జై లవ కుశ పాట కోసం 42 డ్రెస్సులు మార్చిన యంగ్ టైగర్.. పాట అదిరిపోతుందట..
యంగ్ టైగర్ ఎన్టీఆర్ తాజా సినిమా జై లవ కుశ షూటింగ్ శరవేగంగా జరుగుతోంది. బాబీ దర్శకత్వంలో కల్యాణ్ రామ్ నిర్మాణంలో 'జై లవకుశ' సినిమా తెరకెక్కుతోంది. ఈ చిత్రంలో రాశిఖన్నా, నివేదా థామస్ హీరోయిన్లుగా నటిస్త
యంగ్ టైగర్ ఎన్టీఆర్ తాజా సినిమా జై లవ కుశ షూటింగ్ శరవేగంగా జరుగుతోంది. బాబీ దర్శకత్వంలో కల్యాణ్ రామ్ నిర్మాణంలో 'జై లవకుశ' సినిమా తెరకెక్కుతోంది. ఈ చిత్రంలో రాశిఖన్నా, నివేదా థామస్ హీరోయిన్లుగా నటిస్తున్నారు. ఈ చిత్రంలో ఎన్టీఆర్ త్రిపాత్రాభినయం చేస్తున్నాడు. పూణేలో జరుగుతున్న ఈ సినిమా షూటింగ్‌లో కీలకమైన పాటను అక్కడ చిత్రీకరిస్తున్నారు.
ఈ పాటలో మూడు పాత్రల కోసం మాటిమాటికి ఎన్టీఆర్ డిఫరెంట్ గెటప్స్‌తో రెడీ కావలసివచ్చింది. అలాగే మూడు పాత్రలకు కలుపుకుని ఈ ఒక్క పాటలోనే 42 రకాల జతల డ్రెస్‌లను వాడినట్టు చెప్తున్నారు. డ్రెస్‌లతో పాటు ఎప్పటికప్పుడు బాడీ లాంగ్వేజ్‌ను, లుక్‌ను మారుస్తూ ఎన్టీఆర్ ఈ పాట షూటింగ్‌లో పాల్గొన్నాడని.. ఈ పాట ద్వారా నందమూరి ఫ్యాన్స్‌కు యంగ్ టైగర్ మంచి ట్రీట్ ఇస్తారని సినీ యూనిట్ చెప్తోంది.
దేవీశ్రీ ప్రసాద్ సంగీతం సమకూర్చిన జై లవ కుశ పాటలు ఆగస్టులో విడుదల కానున్నాయి. రెండో టీజర్ ఆగస్టు 1వ తేదీన రిలీజ్ కానుంది. ఈ సినిమా సెప్టెంబర్ 21వ తేదీన రిలీజ్ కానుంది.