నా బలమేంటో డైరెక్టర్ల కన్నా వాళ్ళకే బాగా తెలుసు: సురభి

సురభి.. ఈమె పేరు చాలామందికి తెలియకపోవచ్చు గానీ.. వెండి తెరపైన చూస్తే మాత్రం ఠక్కున గుర్తు పట్టేస్తారు. తెలుగులో అడపాదడపా రెండు, మూడు సినిమాలు చేసిన సురభి ఇప్పుడు ఛాన్సులు లేక బాగా ఇబ్బంది పడిపోతోందట. అయితే సినిమా అవకాశాలు లేకపోయినా ఫర్వాలేదు, తల్లిదండ్రుల వద్ద ఉంటేనే చాలంటోంది సురభి. 

తాను అసలు సినిమాల్లోకి వస్తానని అనుకోలేదని చెబుతోంది సురభి. తన తల్లిదండ్రుల ప్రోత్సాహం.. మద్థతు తనకెంతో ఉంటాయని..ఇప్పటికీ వారే తన బలమని చెబుతోంది. చిన్నప్పుడు తనకు సంగీతం పట్ల చాలా ఆశక్తి ఉండేదని..అది చూసి గాయకురాలిని అవుతానేమోనని అమ్మానాన్నలు అనుకునేవారు.

ఆ తరువాత పెయింటింగ్స్ వేసేదాన్ని. అది చూసి పెయింటర్‌ను అవుతాను అనుకునేవారు. నటిని కాగలనని మాత్రం ఎవ్వరు అనుకోలేదు. అయితే ప్రస్తుతం ఛాన్సులు లేవని స్నేహితులు ఆటపట్టిస్తున్నారు. కానీ అవకాశాలు నాకు వస్తాయి. ఆ నమ్మకం నాకుంది. మా తల్లిదండ్రులు నాకు ధైర్యం చెబుతున్నారు. ఒక సినిమాలో దర్సకుడు తన టీంపై ఎంత నమ్మకం పెడతారో అంతకు మించిన నమ్మకాన్ని నా తల్లిదండ్రులు నాపై కలిగి ఉన్నారంటోంది సురభి.