దేశంలో 6500 స్క్రీన్స్‌పై "బాహుబలి-2" రిలీజ్.. ఓవర్సీస్‌లో మరో వెయ్యి స్క్రీన్స్...
దర్శకధీరుడు ఎస్.ఎస్. రాజమౌళి దర్శకత్వంలో తెరకెక్కిన అత్యంత భారీ బడ్జెట్ మూవీ "బాహుబలి -2 ది కంక్లూజన్". ఈ చిత్రం వచ్చే నెల 28వ తేదీన విడుదల కానుంది. ఇప్పటికే విడుదలైన ఈ చిత్రం టీజర్ సరికొత్త రికార్డుల
దర్శకధీరుడు ఎస్.ఎస్. రాజమౌళి దర్శకత్వంలో తెరకెక్కిన అత్యంత భారీ బడ్జెట్ మూవీ "బాహుబలి -2 ది కంక్లూజన్". ఈ చిత్రం వచ్చే నెల 28వ తేదీన విడుదల కానుంది. ఇప్పటికే విడుదలైన ఈ చిత్రం టీజర్ సరికొత్త రికార్డులను క్రియేట్ చేసింది. దీంతో ఈ చిత్రంపై అంచనాలు ఒక్కసారిగా పెరిగిపోయాయి.
ఈనేపథ్యంలో వచ్చే నెల 28వ తేదీన 'బాహుబలి 2' చిత్రాన్ని దేశవ్యాప్తంగా 6500 స్క్రీన్స్‌పై విడుదల చేయనున్నారు. తెలుగు, హింది, తమిళం, మలయాళం భాషల్లో ఈ చిత్రం విడుదల కానుంది. అంతేకాదు మరో వెయ్యి స్క్రీన్స్‌పై ప్రపంచవ్యాప్తంగా విడుదల చేయాలని భావిస్తున్నారు.
రూ.120 కోట్లకు పైగా బడ్జెట్‌తో ఈ సినిమా తెరకెక్కింది. ఒక భారతీయ సినిమా ఇన్ని స్క్రీన్స్‌లో రిలీజ్ అవుతుండటం ఇదే తొలిసారి అని సినీ వర్గాల్లో చర్చ జరుగుతోంది. ఈ బాహుబలి ప్రాజెక్టు కోసం రాజమౌళి ఐదేళ్లు శ్రమించిన విషయం తెల్సిందే.