యాక్టింగ్ కూడా ఉద్యోగమే.. భర్తకు-అత్తకు నచ్చలేదంటే ఎలా? పెళ్లై పిల్లలు పుట్టినా నటిస్తా: శ్రుతిహాసన్
పెళ్లైన తర్వాత సినిమాలకు దూరం కాలేదని.. దర్శకుడు విజయ్ అమలాపాల్‌తో విడాకులు తీసుకున్న నేపథ్యంలో సినీ లెజెండ్ కుమార్తె శ్రుతిహాసన్.. పెళ్లైన తర్వాత హీరోయిన్ల పరిస్థితిపై సెన్సేషనల్ కామెంట్స్ చేసింది. త
పెళ్లైన తర్వాత సినిమాలకు దూరం కాలేదని.. దర్శకుడు విజయ్ అమలాపాల్‌తో విడాకులు తీసుకున్న నేపథ్యంలో సినీ లెజెండ్ కుమార్తె శ్రుతిహాసన్.. పెళ్లైన తర్వాత హీరోయిన్ల పరిస్థితిపై సెన్సేషనల్ కామెంట్స్ చేసింది. తన పదునైన మాటలతో చర్చకు తెరలేపింది. పెళ్లిపై ముక్కుసూటిగా సమాధానం ఇచ్చింది. తద్వారా తండ్రిని మించిన తనయగా పేరు కొట్టేసింది.
సినీ ఇండస్ట్రీలో హీరోయిన్ల స్థితిగతులపై శ్రుతి స్పందించింది. సినిమా హిట్ అయితే క్రెడిట్ అంతా హీరోలకే కట్టబెట్టడం తగదని గట్టిగానే విమర్శిస్తోంది. అయితే ఇటీవల కాలంలో... హీరోయిన్ ఓరియెంటెడ్ చిత్రాలకు ఆదరణ పెరుగుతుండటం స్వాగతించదగ్గ పరిణామమని శ్రుతి తెలిపింది. అంతేగాకుండా పెళ్లైన నాయికలు సినిమాలకు దూరమవ్వడం ఎంతవరకూ సమంజసం అని ప్రశ్నిస్తోంది. తన విషయంలో అలాంటి జరగదని శ్రుతిహాసన్ హామీ ఇస్తోంది.
హీరోయిన్లు పెళ్లైన తర్వాత భర్తకు ఇష్టం లేదని, లేకుంటే అత్తగారు వద్దన్నారనో సినిమాలకు దూరం కావడం అత్యంత దారుణమైన పరిణామంగా శ్రుతిహాసన్ పేర్కొంది. యాక్టింగ్‌ను కూడా ఇతర ఉద్యోగాల్లాగే చూడాలని విన్నవించుకుంటోంది. తనకు పెళ్లైనా.. పిల్లలు పుట్టినా కూడా నటిస్తూనే ఉంటానని శ్రుతిహాసన్ క్లారిటీ ఇచ్చింది. నటన అంటే తనకు ప్రాణమని శ్రుతిహాసన్ చెప్పింది. మరి శ్రుతిహాసన్ పెట్టిన కండిషన్స్‌కు ఓకే చెప్పే వరుడు ఎక్కడున్నాడో మరి..?