సాధారణంగా హీరోయిన్లను హీరోలు ఆట పట్టిస్తుంటారు. వేధిస్తుంటారు. కానీ, ఇక్కడ సీన్ రివర్స్. హీరో పవన్ కళ్యాణ్‌కు హీరోయిన్ శృతిహాసన్ చుక్కలు చూపిస్తోందట. ప్రస్తుతం పవన్ కళ్యాణ్ హీరోగా డాలీ దర్శకత్వంలో "కా
సాధారణంగా హీరోయిన్లను హీరోలు ఆట పట్టిస్తుంటారు. వేధిస్తుంటారు. కానీ, ఇక్కడ సీన్ రివర్స్. హీరో పవన్ కళ్యాణ్‌కు హీరోయిన్ శృతిహాసన్ చుక్కలు చూపిస్తోందట. ప్రస్తుతం పవన్ కళ్యాణ్ హీరోగా డాలీ దర్శకత్వంలో "కాటమరాయుడు" అనే చిత్రం తెరకెక్కుతోంది. ఈ చిత్రంలో హీరోయిన్‌గా శృతిహాసన్ నటిస్తోంది.
అదేసమయంలో ఈ చిత్రం షూటింగ్ ఇపుడు శరవేగంగా సాగుతోంది. అదీకూడా జెట్ స్పీడ్ వేగంతో సాగుతోంది. దీనికి కారణం... జనవరి నెలాఖరు నాటికి ఈ చిత్రం షూటింగ్ పూర్తి చేయాలన్నది హీరో ప్లాన్. ఈ చిత్రం షూటింగ్ ముగిసిన తర్వాత మాటల మాంత్రికుడు త్రివిక్రమ్ దర్శకత్వంలో నిర్మించే చిత్రాన్ని సెట్స్‌పైకి తీసుకెళ్లాలని ప్లాన్ చేస్తున్నాడు.
దీంతో 'కాటమరాయుడు' షూటింగ్ వేగాన్ని పెంచాడు. అయితే, ఈ వేగానికి ముద్దుగుమ్మ శృతిహాసన్ బ్రేకులు వేస్తోందట. షూటింగ్ టైం ఆలస్యంగా వస్తూ చుక్కలు చూపిస్తుందట. పవన్ కళ్యాణ్‌తో సీన్స్ ఉన్న రోజు కూడా ఇదే పరిస్థితిని అని చెబుతున్నారు. అలాగని బిజీ షెడ్యూల్‌తో శృతి హాసన్ ఊపిరాడని కాల్షీట్లు కూడా లేవనీ, నిర్లక్ష్య ధోరణితోనే ఆమె ఇలా వ్యవహరిస్తున్నారని ఫిల్మ్ నగర్ వర్గాల సమాచారం.