టాలీవుడ్‌లో గతకొంతకాలంగా హల్ చేస్తోన్న "నాగ చైతన్య-సమంత"ల పెళ్లి విషయం ఓ కొలిక్కి వచ్చింది. ఈ ఇద్దరు "మనం" సినిమా టైమ్ నుంచే ప్రేమలో పడ్డారని అందరికి తెలిసిన విషయమే. "బ్రహ్మోత్సవం" సినిమా విడుదల సమయంల
టాలీవుడ్‌లో గతకొంతకాలంగా హల్ చేస్తోన్న "నాగ చైతన్య-సమంత"ల పెళ్లి విషయం ఓ కొలిక్కి వచ్చింది. ఈ ఇద్దరు "మనం" సినిమా టైమ్ నుంచే ప్రేమలో పడ్డారని అందరికి తెలిసిన విషయమే. "బ్రహ్మోత్సవం" సినిమా విడుదల సమయంలో "నాకో బోయ్ ఫ్రెండ్ ఉన్నాడు" అని సమంత స్టేట్మెంట్ ఇచ్చినప్పప్పుడే అందరూ "ఇంకెవరూ నాగచైతన్య అయ్యుంటాడు" అని బ్లైండ్‌గా ఫిక్స్ అయిపోయారు.
ఆ తర్వాత వారి నమ్మకమే నిజం అయ్యిందనుకోండి. అనంతరం"నాగచైతన్య-సమంత"లు త్వరలో పెళ్లి చేసుకోనున్నారు. వచ్చే నెలలో ఈ ఇద్దరి నిశ్చితార్ధం అట్టహాసంగా సినీ ప్రముఖుల సమక్షంలో జరగనుందని వార్తలు వెలువడ్డాయి. మొత్తానికి నాగచైతన్య-సమంతల ప్రేమ వ్యవహారం సూపర్ సక్సెస్ అయ్యి.. పెళ్లి వరకూ రావడంతో ఆ ఇద్దరి సన్నిహితులతోపాటు సినిమా అభిమానులు కూడా సంతోషం వ్యక్తం చేస్తున్నారు.
ఈ విషయంపై సమంత మాట్లాడుతూ ''నా ప్రయాణం తలచుకుంటే చాలా ఆశ్చర్యం కలుగుతుంది.. ఏది జరగదు అనుకుంటే అదే జరుగుతుంది. నేను సినిమాల్లోకి వస్తానని, వచ్చినా నాకంటూ ఓ ప్రత్యేకమైన గుర్తింపు వస్తుందని కలలో ఊహించలేదు. నా జీవితం, నేను పొందుతున్న సౌకర్యాలు, సంపాదించిన పేరు ఇవన్నీ నిజమేనా అనిపిస్తుంది. కలలా మాయమైపోతాయేమో అనే బెంగ ఒక్కోసారి కలుగుతుంటుంది. ఏ మనిషికీ తృప్తి ఉండదు అంటుంటారు. కానీ నాకు అలా కాదు. ప్రతి విషయంలోనూ అంతులేని సంతృప్తి దొరికింది'' అంటూ తన మనసులోని మాటను బయటపెట్టింది.