చైతూ కెరీర్‌పై సీరియస్‌గా ఉన్న సమంత.. శ్రుతిహాసన్.. చైతూ కెమెస్ట్రీపై ఆరా..

అక్కినేని నాగ చైతన్య హీరోగా నటించిన ''ప్రేమమ్'' సినిమాపై ఏ స్థాయిలో అంచనాలున్నాయో ప్రత్యేకించి చెప్పక్కర్లేదు. మలయాళంలో ఘన విజయం సాధించిన ''ప్రేమమ్‌''కు రీమేక్ అయిన ఈ సినిమా అన్ని కార్యక్రమాలనూ పూర్తి

అక్కినేని నాగ చైతన్య హీరోగా నటించిన ''ప్రేమమ్'' సినిమాపై ఏ స్థాయిలో అంచనాలున్నాయో ప్రత్యేకించి చెప్పక్కర్లేదు. మలయాళంలో ఘన విజయం సాధించిన ''ప్రేమమ్‌''కు రీమేక్ అయిన ఈ సినిమా అన్ని కార్యక్రమాలనూ పూర్తి చేసుకొని దసరా కానుకగా అక్టోబర్ 7న విడుదల కానుంది. ఇక నాగ చైతన్య కెరీర్‌కే అతిపెద్ద హిట్‌గా ప్రేమమ్ నిలుస్తుందన్న ప్రచారం మొదట్నుంచీ వినిపిస్తూ ఉండడంతో ఈ సినిమాకు ప్రీ రిలీజ్ బిజినెస్ కూడా భారీ ఎత్తున జరిగింది. 

అదేవిధంగా ఇప్పుడు సినిమాకున్న క్రేజ్ దృష్ట్యా ప్రపంచవ్యాప్తంగా పెద్ద ఎత్తున సినిమా విడుదల కానుంది. కాగా ఈ సినిమాలో హీరోయిన్‌గా నటించిన శ్రుతిని చూసి స‌మంత తెగ టెన్ష‌న్ ప‌డిపోతోందట. స‌మంత కూడా టాలీవుడ్‌లో టాప్ హీరోయిన్‌… శ్రుతి త‌న‌కు పోటీ ఇస్తుంద‌నో, త‌న6 స్థానాన్ని త‌న్నుకుపోతుంద‌నో కాదు... ప్రేమ‌మ్ సినిమాలో శ్రుతి పాత్ర గురించే తెగ ఫీలైపోతోందట స‌మంత. 

చైతూ ఇప్ప‌టివ‌కు చాలామంది హీరోయిన్ల‌తో న‌టించినా శ్రుతిహాస‌న్ లాంటి టాప్ హీరోయిన్‌తో ఎప్పుడు న‌టించ‌లేదు. ఈ సినిమాలో చైతూ ప‌క్క‌న మ‌ల‌యాళీ బ్యూటీస్ అనుప‌మ ప‌ర‌మేశ్వ‌ర‌న్‌, మ‌డోనాలు న‌టించినా అంద‌రి దృష్టి మాత్రం చైతూ శ్రుతీలపైనే ఉంది. సినిమాలో వీళ్లిద్ద‌రి మ‌ధ్య ల‌వ్ కెమిస్ట్రీ బాగా పండిందట. 

ఈ విష‌యం స‌మంత వ‌ర‌కు వెళ్ల‌డంతో ఆమెకు కూడా ఆస‌క్తి పెరిగిందట‌. చైతూ శ్రుతీల కాంబినేష‌న్‌కు తెలుగు ప్రేక్ష‌కులు ఎలా స్పందిస్తారో తెలుసుకోవాల‌ని స‌మంత త‌హ‌త‌హ‌లాడుతోందట. ఈ విష‌యాల‌ను ముందుగానే దృష్టిలో పెట్టుకున్న స‌మంత ఈ సినిమాలో చైతు, శ్రుతీల మ‌ధ్య నార్వేలో రొమాంటిక్ సాంగ్ చిత్రీక‌రిస్తున్న‌ప్పుడు త‌ను కూడా నార్వేకి వెళ్లి సాంగ్ విష‌యంలో కొన్ని సూచ‌న‌లు చేసింద‌ట. దీన్నిబ‌ట్టి చూస్తే చైతూ కెరీర్‌పై స‌మంత ఎంత సీరియ‌స్‌గా దృష్టి పెట్టిందో ఇట్టే అర్థ‌మ‌వుతుంది. కాబట్టి వీరిద్దరి విష‌యంలో స‌మంత ఇలా టెన్ష‌న్ ప‌డింద‌ని టాలీవుడ్ వర్గాలు గుసగుసలాడుకుంటున్నారు.