మెగాస్టార్ చిరంజీవి విశ్వంభర సినిమాతో బిజీగా వున్నారు. అలాగే ఇటీవల దసరాతో బ్లాక్ బస్టర్ హిట్ ఇచ్చిన దర్శకుడు శ్రీకాంత్ ఓదెలతో కొత్త చిత్రానికి సంతకం చేశారు. ఈ చిత్రంలో బాలీవుడ్ నటి రాణి ముఖర్జీ ఈ చిత్రంలో భాగం కావచ్చు. ఈ చిత్రంలో ఆమె పాత్ర చాలా కీలకమని టాక్ వస్తోంది. దర్శకుడు శ్రీకాంత్ ఓదెల ఆమెను ఈ పాత్రకు సిఫార్సు చేశారు. చిరంజీవి తన అనుమతిని ఇచ్చినట్లు సమాచారం.
నటుడు నాని ఈ చిత్రాన్ని సమర్పిస్తారని చెబుతున్నారు. ఈ చిత్రం షూటింగ్‌లో రాణి ముఖర్జీ పాల్గొనే అవకాశం ఉందనే వార్తలు బాలీవుడ్ వర్గాల్లో కూడా ట్రెండ్ అవుతున్నాయి. చిరంజీవి 158వ సినిమాగా తెరకెక్కనున్న ఈ సినిమాకు సంబంధించిన ప్రీ-పొడక్షన్‌ వర్క్‌ శరవేగంగా జరుగుతున్నది. త్వరలోనే నటీనటులను, సాంకేతిక నిపుణులను ఖరారు చేస్తారట.