ఏంటీ.. రాంగోపాల్ వర్మ నోటివెంట పాజిటివ్ ట్వీట్సా... అమితాబ్‌కు నటన అంటే మోహం...
వివాదాస్పద వ్యాఖ్యలతో ఎప్పుడూ వార్తల్లో నిలిచే ప్రముఖ దర్శక, నిర్మాత రాంగోపాల్ వర్మ మరోసారి ట్విట్టర్ వేదికగా సందడి చేశాడు. ఈయన ఎప్పుడూ ఏదో ఒక అంశంపై వివాదాస్పద వ్యాఖ్యలు చేస్తూనే ఉంటారు. వ్యక్తి ఎవరై
వివాదాస్పద వ్యాఖ్యలతో ఎప్పుడూ వార్తల్లో నిలిచే ప్రముఖ దర్శక, నిర్మాత రాంగోపాల్ వర్మ మరోసారి ట్విట్టర్ వేదికగా సందడి చేశాడు. ఈయన ఎప్పుడూ ఏదో ఒక అంశంపై వివాదాస్పద వ్యాఖ్యలు చేస్తూనే ఉంటారు. వ్యక్తి ఎవరైనా.. మేటర్ ఏదైనా కానీ తనకు ఇష్టమొచ్చినట్టు కామెంట్లు విసిరేస్తుంటాడు. సినిమాలతో పాటు ట్వీట్స్‌తో కూడా ఎప్పటికప్పుడు వార్తల్లో నిలుస్తూనే ఉంటాడు.
సాధారణంగా ఈ డైరెక్టర్ నుంచి నెగిటివ్ కామెంట్స్ కానీ.. వెటకారం ట్వీట్స్ మాత్రమే వస్తుంటాయ్. కానీ వర్మకు ఈ మధ్య ఏమైందో ఏమో తెలీదు కానీ.. నెగటివ్ కామెంట్లు కాకుండా పాజిటివ్ ట్వీట్స్ పెడుతున్నాడు. అసలు విషయం ఏంటంటే.. మెగాస్టార్ చిరంజీవి ప్రస్తుతం 150 సినిమాలో నటిస్తున్న విషయం తెలిసిందే. చిరు 150వ సినిమా పోస్టర్ ని చూసిన వర్మ తనదైన శైలిలో స్పందించాడు.
ఆ పోస్టర్‌లోని ఇంటెన్సిటీ చూసి ఫిదా అయిపోయానని.. చిరు పుట్టిన రోజున ట్వీట్ చేశాడు వర్మ. టాలీవుడ్ హీరో చిరుని మాత్రమే కాకుండా బాలీవుడ్ మెగాస్టార్ అమితాబ్ బచ్చన్‌పై పొగడ్తల వర్షాన్నికురిపించాడు. ఎవరైనా యాక్టింగ్‌ని ప్రేమిస్తారని.. కానీ అమితాబ్‌కు నటన అంటే మోహం అన్న వర్మ.. ప్రేమిస్తున్నట్లు ఛీట్ చేయచ్చు కానీ.. మోహిస్తున్నట్లు మోసం చేయడం కుదరదని'' తన దైన స్టైల్‌లో చెప్పుకొచ్చాడు.