'హాయ్ గైస్... బ్రేక్‌ఫాస్ట్‌ మిస్ కావొద్దు... సెంటిమెంట్‌తో కూడిన ప్రతిజ్ఞ చేసిన ఉపాసన.. ఎందుకు?
హీరో మెగా పవర్ స్టార్ రాంచరణ్ భార్య ఉపాసన ఈ మధ్య సోషల్ మీడియాలో చాలా యాక్టివ్‌గా ఉంటున్న సంగతి తెలిసిందే. ఆమె సోషల్ మీడియా పోస్టుల్లో ఎక్కువగా రాంచరణ్, అపోలో లేదా తన ఫ్యామిలీ, పర్సనల్ అంశాలకు సంబంధించ
హీరో మెగా పవర్ స్టార్ రాంచరణ్ భార్య ఉపాసన ఈ మధ్య సోషల్ మీడియాలో చాలా యాక్టివ్‌గా ఉంటున్న సంగతి తెలిసిందే. ఆమె సోషల్ మీడియా పోస్టుల్లో ఎక్కువగా రాంచరణ్, అపోలో లేదా తన ఫ్యామిలీ, పర్సనల్ అంశాలకు సంబంధించిన విషయాలే ఎక్కువగా కనిపిస్తాయి. తాజాగా ఆరోగ్యం మీద ట్విట్టర్‌లో సంచలన వాఖ్యలు చేసింది. సెప్టెంబర్ 29న వరల్డ్ హార్ట్ డే జరుపుకునే విషయం తెలిసిందే. ప్రస్తుతం ఉన్న ఉరుకుల పరుగుల జీవితంలో ఆరోగ్యం మీద.. ముఖ్యంగా గుండె కోసం ఏమేం చేయాలో తెల్లారేపాటికి మర్చిపోతూ ఉండడం కూడా కామన్. ఈసారి వరల్డ్ హార్ట్ డేని మర్చిపోకుండా ఉండేందుకు.. సెంటిమెంట్‌తో కూడిన ప్రతిజ్ఞ చేసింది రాంచరణ్ భార్య ఉపాసన.
అంతేకాదు.. మనల్ని కూడా చేసేయమని సామాజిక మాధ్యమాల్లో తన దైన శైలిలో స్పందించింది. 'హాయ్ గైస్.. వరల్డ్ హార్ట్ డే సందర్భంగా నేను మా నాన్న ఆరోగ్యం గురించి ప్రతిజ్ఞ తీసుకుంటున్నా. అయన ఎప్పుడూ బ్రేక్‌ఫాస్ట్‌ మిస్ కాకుండా చూస్తాను. 15 నిమిషాలు ఎక్సర్ సైజ్.. 10 వేల అడుగుల నడక ఉండేలా చర్యలు తీసుకుంటా. ప్రతీ ఆరు నెలలకు ఒకసారి ఖచ్చితంగా హెల్త్ చెకప్స్ చేయించాల్సిందే.
సారీ చెప్పడం కంటే.. ముందు జాగ్రత్తలు తీసుకోవడమే ఉత్తమం. ఈ వరల్డ్ హార్ట్ డే రోజున మీ డాడ్ కోసం మీరేం చేయబోతున్నారు? లైఫ్ స్టైల్‌లో చిన్నపాటి మార్పులతో జీవితంలో సుదీర్ఘకాలం ఉపయోగపడే పెద్ద మార్పులను సాధించచ్చు. మనకందరికీ అవేంటో తెలుసు. వాటిని పాటించాలంతే' అంటూ సీరియస్‌గా అందరికి చిన్నపాటి క్లాస్ తీసుకుంది ఉపాసన.