ఉక్రెయిన్‌‌లో బ్రిటిష్ భామతో రజనీకాంత్ రొమాన్స్...

శంకర్ దర్శకత్వంలో ఓ చిత్రం వస్తుందంటే ఆ సినిమాపై భారీ అంచనాలు నెలకొని ఉంటాయి. అత్యంత భారీ బడ్జెట్‌తో శంకర్ సినిమాలు నిర్మిస్తుంటాడు. గతంలో ఆయన నిర్మించిన చిత్రాలు ఘన విజయం సాధించిన సంగతి తెలిసిందే. రజ

శంకర్ దర్శకత్వంలో ఓ చిత్రం వస్తుందంటే ఆ సినిమాపై భారీ అంచనాలు నెలకొని ఉంటాయి. అత్యంత భారీ బడ్జెట్‌తో శంకర్ సినిమాలు నిర్మిస్తుంటాడు. గతంలో ఆయన నిర్మించిన చిత్రాలు ఘన విజయం సాధించిన సంగతి తెలిసిందే. రజనీకాంత్ - ఐశ్వర్య రాయ్ కాంబినేషన్‌లో విడుదలైన 'రోబో' చిత్రం బాక్సాఫీసు బద్దలు కొట్టిన సంగతి తెలిసిందే. దీంతో దీనికి సీక్వెల్‌గా 'రోబో 2' సినిమాను శంకర్ అత్యంత ప్రతిష్టాత్మకంగా నిర్మిస్తున్నారు. దాదాపు రూ. 350 కోట్లతో సినిమాను రూపొందిస్తున్నారు. గతేడాది డిసెంబర్‌లో ఈ సినిమా షూటింగ్ ప్రారంభమైంది.

అప్పటినుంచి ఇప్పటివరకు 150 రోజులు షూటింగ్ పూర్తి చేశారు. ఇటీవలే క్లైమాక్స్ చిత్రీకరించారు. మొత్తంగా 60 శాతం షూటింగ్ పూర్తయినట్లు తెలుస్తోంది. బాలీవుడ్‌ హీరో అక్షయ్‌కుమార్‌ చిత్రంలో ప్రతినాయకుడి పాత్రను పోషించారు. లైకా ప్రొడక్షన్‌ పతాకంపై నిర్మిస్తున్న ఈ చిత్రానికి ఎ.ఆర్‌. రెహమాన్‌ సంగీతం అందిస్తున్నారు. 

ఇదిలావుంటే ప్రస్తుతం హీరో రజనీకాంత్ - అమీ జాక్సన్‌పై ఓ రోమాంటిక్ సాంగ్ చిత్రీకరిస్తున్నట్లు కోలీవుడ్ వర్గాలు అంటున్నాయి. ప్రస్తుతం ఉక్రెయిన్‌లోని అందమైన లొకేషన్స్‌లో షూటింగ్ జరుగుతోంది. ఈ చిత్రంలో రజనీ పూర్తిగా యంగ్‌గా కనిపిస్తుండడం విశేషం. ఈ సందర్భంగా సెట్‌లో తీసిన ఒక ఫొటో ప్రస్తుతం సోషల్‌మీడియాలో చక్కర్లు కొడుతోంది. నవంబర్‌లో 'రోబో 2' చిత్రానికి సంబంధించిన ఫస్ట్ లుక్‌ను విడుదల చేయడానికి సన్నాహాలు జరుగుతున్నాయి.