బాహుబలి చిత్రంతో తెలుగు సినీ చరిత్రలో రికార్డు సృష్టించిన దర్శకుడు రాజమౌళి 100 ఎకరాలను కొనుగోలు చేసినట్లు సమాచారం. ఈ 100 ఎకరాలు హైదరాబాదుకు దూరంగా వున్న దొనకొండలో కొన్నట్లు తెలుస్తోంది. ఇందులో ఓ చక్క
బాహుబలి చిత్రంతో తెలుగు సినీ చరిత్రలో రికార్డు సృష్టించిన దర్శకుడు రాజమౌళి 100 ఎకరాలను కొనుగోలు చేసినట్లు సమాచారం. ఈ 100 ఎకరాలు హైదరాబాదుకు దూరంగా వున్న దొనకొండలో కొన్నట్లు తెలుస్తోంది. ఇందులో ఓ చక్కటి ఫామ్ హౌస్ కట్టుకుని సేద తీరాలని రాజమౌళి ప్రయత్నాలు మొదలుపెట్టేశారు. ఈ కల ఇప్పటిది కాదనీ, ఎన్నో ఏళ్ల నుంచి ఇలా తను అనుకున్నట్లు 100 ఎకరాల్లో మంచి ఫామ్ హౌస్ కట్టుకుని అక్కడి వాతావరణంలో కాలం గడపాలనుకునేవారట.
బాహుబలి చిత్రంతో ఆ కల నెరవేరబోతోంది. తను కొనుగోలు చేసిన ఈ పొలంలో మామిడి, సపోటా చెట్లు వున్నట్లు తెలుస్తోంది. ఆ చెట్లను అలాగే వుంచేసి పొలంలో ఓ పక్కన వున్న కొండ ప్రాంతం అంచున ఫామ్ హౌసును నిర్మించాలని రాజమౌళి అనుకుంటున్నట్లు సమాచారం.
ఈ నిర్మాణం కోసం చక్కని డిజైన్ ఇవ్వాల్సిందిగా ఆర్ట్ డైరెక్టర్ రవీందర్‌కు చెప్పినట్లు టాక్ వినిపిస్తోంది. మరోవైపు రాజమౌళితో పాటు కీరవాణి, రాజమౌళి స్నేహితుడు సాయి కొర్రపాటిలు కూడా ఇళ్ల స్థలాలు కొనుగోలు చేశారట. మొత్తమ్మీద రాజమౌళి ఫామ్ హౌస్ ఆలోచనతో దొనకొండ ప్రాంతం ప్రాముఖ్యతను సంతరించుకున్నది.