ఈమధ్య నగ్నంగా కనిపించిందంటూ రాధికా ఆప్టే వీడియోలు హల్‌చల్ చేసిన సంగతి తెలిసిందే. అలాగే టాలీవుడ్ ఇండస్ట్రీలో రికార్డు సృష్టించిన 'లెజెండ్' చిత్రంలో రాధికా ఆప్టే బాలయ్య సరసన నటించింది. ఇంకా ప్రకాష్ రాజ్ చిత్రం ధోనీలోనూ నటించింది. ఐతే తెలుగు హీరోలతో నటించడం మాత్రం చాలా కష్టమని తేల్చిపారేస్తోందట.
మలయాళం, తమిళం, తెలుగు, హిందీ, బెంగాలీ, మరాఠి చిత్రాల్లో నటించాను కానీ... తెలుగు ఇండస్ట్రీలో ఉన్న మేల్ డామినేషన్ తట్టుకోవడం నా వల్ల కావడంలేదు అని వ్యాఖ్యానిస్తోందట. అక్కడ హీరోల డామినేషన్ చాలా ఎక్కువని చెపుతోందట. తెలుగులో ఎక్కువ కాలం నటించడం తన వల్ల కాదని చెపుతోందట. రీసెంట్‌గా ఆమె బాలయ్యతోనే నటించింది. మరి బాలయ్య పైనే ఈ వ్యాఖ్యలు చేసిందా.. అనే చర్చ టాలీవుడ్‌లో తిరుగుతోంది.