ఇప్పుడే కాదు... దానికి మరికాస్త టైముంది : పాయల్

పాయల్. ఈ పేరు వింటనే యువ ప్రేక్షకులకు టక్కున ఆర్ ఎక్స్-100 సినిమా పేరు గుర్తుకు వస్తుంది. హీరోహీరోయిన్ల మధ్య ముద్దు సీన్ల పవర్ అలాంటిది మరి. ఒకే ఒక్క సినిమాతో అందరి దృష్టి తనవైపు మరల్చుకున్న పంజాబీ భామ రాజ్ పుత్‌కు అవకాశాలు తన్నుకువస్తున్నాయి. భాషతో సంబంధం లేకుండా అన్ని భాషల్లోను పాయల్‌ను హీరోయిన్‌గా తీసుకునేందుకు డైరెక్టర్లు పోటీలు పడుతున్నారు.

తాజాగా పాయల్ తమిళంలో ఒక సినిమా చేస్తోంది. ఉదయనిధి స్టాలిన్ హీరోగా సినిమా రూపుదిద్దుకుంటోంది. శరవేగంగా చెన్నైలో షూటింగ్ కూడా జరుపుకుంటోంది. ఈ సినిమా పేరు ఏంజిల్. హీరోహీరోయిన్ల మధ్య పెళ్ళి సన్నివేశాలను చిత్రీకరిస్తున్నారు. దీంతో పెళ్ళిపీటలపై పాయల్ సిగ్గు పడుతూ కూర్చుంది. 

ఈ ఫోటో కాస్తా వాట్సాప్, ఫేస్ బుక్‌లలో హల్చల్ చేస్తోంది. పాయల్ అప్పుడే పెళ్ళి చేసేసుకుంటోందని అభిమానులు బాధపడిపోతున్నారు. అయితే పాయల్ మాత్రం నాకు పెళ్ళి చేసుకొని భర్తతో కలిసి హాయిగా గడపాలని ఉంది. కానీ ఇప్పుడు కాదు. ఇంకొన్ని సినిమాలు చేయాలి. మంచి పేరు తెచ్చుకోవాలి.. ఆ తరువాతే పెళ్ళి, మిగిలినవన్నీ అంటోంది ఈ పంజాబీ భామ.