కన్నడ కురుక్షేత్రలో ద్రౌపదిగా నయనతార?

మలయాళంలో మహాభారతం ఆధారంగా మోహన్ లాల్ ప్రధాన పాత్రలో ఓ సినిమా రూపుదిద్దుకుంటున్న నేపథ్యంలో.. కన్నడంలో ''కురుక్షేత్రం'' పేరిట అత్యధిక భారీ బడ్జెట్‌తో కొత్త సినిమా రూపుదిద్దుకుంటోంది. ఈ సినిమా జూలై 23 ను

మలయాళంలో మహాభారతం ఆధారంగా మోహన్ లాల్ ప్రధాన పాత్రలో ఓ సినిమా రూపుదిద్దుకుంటున్న నేపథ్యంలో.. కన్నడంలో ''కురుక్షేత్రం'' పేరిట అత్యధిక భారీ బడ్జెట్‌తో కొత్త సినిమా రూపుదిద్దుకుంటోంది. ఈ సినిమా జూలై 23 నుంచి సెట్స్‌పైకి వెళ్లనుంది. సినీ యూనిట్ ప్రస్తుతం ప్రీ-ప్రొడక్షన్ పనుల్లో బిజీ బిజీగా వుంది. ఇప్పటికే కన్నడ కురుక్షేత్రంలో దర్శన్ దుర్యోధనుడిగా, రవిచంద్రన్ శ్రీకృష్ణుడిగా ఎంపికయ్యారు. 

ఇక దక్షిణాది అగ్రతార నయనతార కురుక్షేత్రంలో ద్రౌపదిగా నటించనుందని సినీ వర్గాల్లో టాక్ వస్తోంది. శ్రీరామరాజ్యంలో సీతగా కనిపించిన నయనతార ఆ సినిమాకు గాను ఉత్తమనటి అవార్డును సొంతం చేసుకుంది. 

తాజా కురుక్షేత్రంలో నయన ద్రౌపదిగా కనిపిస్తుందని.. ఈ చిత్రానికి నాగన్న దర్శకత్వం వహిస్తున్నాడు. మునిరత్న నిర్మాణ సారథ్యం వహిస్తున్నారు. కన్నడ అగ్రతారలు నటించబోతున్న ఈ చిత్రంలో ద్రౌపది పాత్ర కోసం నయనతారను ఇప్పటికే సంప్రదించారట. అయితే నయన ఇంకా గ్రీన్‌ సిగ్నల్‌ ఇవ్వలేదని సమాచారం. మరి ద్రౌపది ఆఫర్‌ను నయన స్వీకరిస్తుందో లేదో వేచి చూడాలి.