నేచుర‌ల్ స్టార్ నాని తాజా చిత్రం జెర్సీ విమ‌ర్శ‌కుల ప్ర‌శంస‌లు అందుకుని స‌క్స‌స్‌ఫుల్‌గా ర‌న్ అవుతోంది. జెర్సీ స‌క్స‌స్‌లో ఉన్న నాని మ‌రోవైపు గ్యాంగ్ లీడర్ షూటింగ్‌లో పాల్గొంటున్నాడు. అయితే... గ్యాంగ్ లీడర్ గురించి రోజుకో ఇంట్ర‌స్టింగ్ న్యూస్ బ‌య‌ట‌కు వ‌స్తుంది. మ‌నం ఫేమ్ విక్ర‌మ్ కుమార్ ఈ సినిమాకి ద‌ర్శ‌క‌త్వం వ‌హిస్తున్నారు. మైత్రీ మూవీ మేక‌ర్స్ సంస్థ ఈ సినిమాని నిర్మిస్తుంది.
ఇందులో ఆర్ఎక్స్ 100 హీరో కార్తికేయ విల‌న్‌గా న‌టిస్తున్నాడ‌ట. ఇక క‌థ విష‌యానికి వ‌స్తే... సినిమా ప్రారంభంలోనే న‌లుగురు మ‌హిళల మ‌ర్డ‌ర్ సీన్ ఉంటుందట. ఆ త‌ర్వాత ఈ మ‌ర్డ‌ర్ చుట్టూనే ఈ క‌థ తిరుగుతుంద‌ట. ఆ మ‌ర్డ‌ర్స్‌ను కార్తికేయ చేస్తాడ‌ట.
బిగినింగ్ నుంచి ఎండింగ్ వ‌ర‌కు చాలా ఇంట్ర‌స్టింగ్‌గా ఉంటుందట. విక్ర‌మ్ కుమార్ క‌థ‌లు ఎంత వైవిధ్యంగా ఉంటాయో తెలిసిందే. అంచ‌నాల‌కు త‌గ్గ‌ట్టుగా ఈ సినిమా కూడా చాలా డిఫ‌రెంట్‌గా ఉంటుందట.