నాగబాబు వస్తానంటున్నారు, మనో వెళ్ళనంటున్నారు..?

బుల్లితెరపై జబర్దస్త్ ఏ స్థాయిలో తెలుగు ప్రేక్షకులను అలరిస్తుందో చెప్పనవసరం లేదు. టీవీల్లోను, సోషల్ మీడియాలోను జబర్దస్త్ స్కిట్లను తెలుగు ప్రేక్షకులు తెగ చూసేస్తున్నారు. కడుపుబ్బ నవ్వుకుంటున్నారు. స్కిట్ లంటే ఇలా ఉండాలని చెబుతుంటారు.

అయితే ఈ షోకు ప్రత్యేక ఆకర్షణ జడ్జిలు. ఒకరు నాగబాబు, మరొకరు రోజా. మొదట్లో వీరి కాంబినేషన్లో జడ్జిమెంట్ తెలుగు ప్రేక్షకులను బాగా అలరించింది. కానీ ఆ తరువాత అదిరింది షోతో నాగబాబు జబర్దస్త్ నుంచి వెళ్ళిపోయారు. కొంతమంది స్కిట్ చేసే కమెడియన్లు కూడా తన వెంట తీసుకెళ్ళిపోయారు నాగబాబు.

ఇది కాస్త ఈటీవీతో పాటు మల్లెమాల యాజమాన్యానికి ఎంత మాత్రం ఇష్టం లేదు. అయితే అదిరింది షో కొన్నిరోజుల పాటు బాగానే ప్రేక్షకులను ఆదరించింది. కానీ ఆ షోను ప్రస్తుతం ఆపేశారు. 

అందులోను ఈ మా ఎన్నికల వల్ల కాస్త బిజీగా ఉన్న నాగాబాబు కాస్త ఆ షో గురించి అస్సలు పట్టించుకోలేదు. కానీ ప్రస్తుతం మాత్రం ఖాళీగా ఉన్న నాగబాబు మళ్ళీ జబర్దస్త్‌కు వెళ్ళాలనుకుంటున్నారట.

దీంతో ఈటీవీ యాజమాన్యంతో ఆయన మాట్లాడారట. కానీ ఇప్పటికే మనో ఉండటంతో ఆయన్ను సంప్రదించారట షో నిర్వాహకులు. మూడురోజుల పాటు మీకు షెడ్యూల్... మరో మూడు రోజులు నాగబాబుకు షెడ్యూల్ ఇస్తామన్నారట. కానీ మనో ఏ మాత్రం అంగీకరించడం లేదట.

దీంతో నాగబాబుకు ఏం చెప్పాలో.. మనోను ఎలా బుజ్జగించాలో తెలియన నిర్వాహకులు ఆలోచనలో పడిపోయారట. మరి చూడాలి మళ్ళీ నాగబాబు జబర్దస్త్‌కు వస్తారా లేదోనన్నది.