మహేష్ 23 సినిమా టైటిల్ స్పైడర్..? ఉగాదికి ఫస్ట్ లుక్.. మే-28న ఆడియో.. జూన్ 23న సినిమా..?
టాలీవుడ్ ప్రిన్స్ మహేష్ బాబు- మురుగదాస్ కాంబోలో వస్తున్న సినిమా ఆడియో రిలీజ్ మే 28వ తేదీ జరుగనుందని ఫిలిమ్ నగర్ వర్గాల్లో టాక్ వస్తోంది. యాక్షన్ థ్రిల్లర్‌గా తెరకెక్కే ఈ సినిమా షూటింగ్ దాదాపు పూర్తయిన
టాలీవుడ్ ప్రిన్స్ మహేష్ బాబు- మురుగదాస్ కాంబోలో వస్తున్న సినిమా ఆడియో రిలీజ్ మే 28వ తేదీ జరుగనుందని ఫిలిమ్ నగర్ వర్గాల్లో టాక్ వస్తోంది. యాక్షన్ థ్రిల్లర్‌గా తెరకెక్కే ఈ సినిమా షూటింగ్ దాదాపు పూర్తయినట్టే. తమిళ-తెలుగు భాషల్లో ఒకేసారి రూపుదిద్దుకున్న ఈ సినిమాలో మహేష్ బాబు స్టైలిష్ పోలీస్ ఆఫీసరుగా కనిపిస్తారు.
హీరోయిన్‌గా రకుల్ ప్రీత్ సింగ్ నటిస్తోంది. దర్శకుడు ఎస్‌జే సూర్య కీలక పాత్రలో కనిపించనున్నారు. హరీష్ జై రాజ్ సంగీతం సమకూర్చిన ఈ సినిమా ఆడియో మే 28 తేదీన విడుదల కానుందని, సినిమా జూన్ 23వ తేదీన రిలీజ్ కానుంది.
ప్రస్తుతం ఈ సినిమా షూటింగ్ వియత్నాంలో జరుగుతోంది. ఈ షెడ్యూల్ పూర్తయితే సినిమా పనులన్నీ పూర్తయినట్లే. దీంతో ఉగాదిన ఫస్ట్‌లుక్‌ విడుదల చేసే అవకాశాలున్నాయి. ఆ రోజే టైటిల్ ఏంటో తేల్చేశారు. ఈ సినిమాకు ‘ఏజెంట్‌ శివ’, ‘సంభవామి’ అనే టైటిళ్లు రేసులో ఉన్నాయి. ప్రస్తుతం ‘స్పైడర్’ అనే మరో టైటిల్ ప్రచారంలో ఉంది.
‘స్పైడర్’కే చిత్రబృందం మొగ్గుచూపే అవకాశాలున్నాయని.. ద్విభాషా చిత్రంగా రూపుదిద్దుకుంటున్న ఈ సినిమాకు స్పైడర్ అనే టైటిల్ సరిపోతుందని సినీ పండితులు అంటున్నారు. మరి మురుగదాస్ ఏ టైటిల్ ఖరారు చేస్తారో తెలియాలంటే.. ఉగాది దాకా వెయిట్ చేయాల్సిందే.