తెలుగులో రెండు సినిమాలు చేసిన కైరా అద్వానీ ప్రస్తుతం బాలీవుడ్‌లో మోస్ట్ వాంటెడ్ హీరోయిన్. ''కబీర్‌సింగ్'' సినిమాతో ఒక్కసారిగా లైమ్‌లైట్‌లోకి వచ్చింది. ప్రస్తుతం వరుస సినిమాలతో బిజీగా ఉంది. తాజాగా కైరా మరో బంపరాఫర్ వచ్చిందట. బాలీవుడ్ సూపర్ హీరో హృతిక్ రోషన్ సరసన నటించే ఛాన్స్ కైరా వరించిందట.
హృతిక్ హీరోగా తెరకెక్కబోతున్న ''క్రిష్-4" సినిమా త్వరలో సెట్స్ మీదకు వెళ్లబోతోంది. హృతిక్ తండ్రి రాకేష్ రోషన్ రూపొందించనున్న ఈ చిత్రం ప్రీ-ప్రొడక్షన్ కార్యక్రమాలు ఇప్పటికే పూర్తయ్యాయి.
హీరోయిన్ విషయంలో మాత్రం ఇప్పటి వరకు క్లారిటీ రాలేదు. తాజాగా ఆ విషయంలో కూడా స్పష్టత వచ్చేసినట్టు తెలుస్తోంది. "క్రిష్-4"లో నటించే ఇద్దరు హీరోయిన్లలో ఒక హీరోయిన్‌గా కైరాను తీసుకున్నారట. త్వరలోనే ఈ విషయమై అధికారిక ప్రకటన రాబోతోందట.