అబ్బా.. జాగ్వార్‌కు బాగా డబ్బు కుమ్మరించారా? విజయేంద్ర ప్రసాద్‌ స్క్రిప్ట్‌కే.. రూ.75లక్షలు..

కన్నడ రాజకీయ ప్రముఖుడు కుమారస్వామి గౌడ కుమారుడు నిఖిల్ గౌడ తొలిసారి నటిస్తున్న సినిమా జాగ్వార్. ఈ సినిమాకు దాదాపు రూ. 70 కోట్లు ఖర్చు చేశారు యూనిట్ సభ్యులు. అంతేకాకుండా ఈ సినిమాకి భయంకరమైన ప్రమోషన్ చే

కన్నడ రాజకీయ ప్రముఖుడు కుమారస్వామి గౌడ కుమారుడు నిఖిల్ గౌడ తొలిసారి నటిస్తున్న సినిమా జాగ్వార్. ఈ సినిమాకు దాదాపు రూ. 70 కోట్లు ఖర్చు చేశారు యూనిట్ సభ్యులు. అంతేకాకుండా ఈ సినిమాకి భయంకరమైన ప్రమోషన్ చేస్తున్నారు. ప్రకటనలు కుమ్మేస్తున్నారు. ఈ చిత్రం సౌత్ ఇండియాలోనే ఖరీదైన డెబ్యూ సినిమాగా రికార్డుల‌కు ఎక్క‌నుంది. హాలీవుడ్ తరహాలో ఉండేలా ఈ మూవీని రూపొందిస్తున్నారట.

దర్శకుడు మహదేవ్ ప్రతి ఫ్రేమును చాలా అందంగా తెరకెక్కించారని సినీ వర్గాలు అంటున్నాయి. జగపతి బాబు, రమ్యకృష్ణ ప్రధాన పాత్రలు పోషిస్తున్న ఈ చిత్రంలో దీప్తి సతి హీరోయిన్‌గా నటిస్తోంది. ఇందులో యాక్షన్ సన్నివేశాలు అదుర్స్ అనిపించేలా ఉన్నాయి. థమన్ ఈ చిత్రానికి సంగీతం అందించారు. ఈ సినిమా రెమ్యున‌రేష‌న్లు చూస్తే దిమ్మదిరిగిపోతుంది. జగపతి బాబు పారితోషికం 50 లక్షలు, విజయేంద్ర ప్రసాద్ కథ కోసమే రూ. 75 లక్షలు ఇచ్చారట. 

ఇక హీరోయిన్‌కు కూడా రూ.2 కోట్లు ముట్టజెప్పార‌ట‌. మ‌రో ట్విస్ట్ ఏంటంటే హీరోకు రెమ్యున‌రేష‌న్ లేదు. కాగా ఈ సినిమా పబ్లిసిటీ కోసం రూ. 7 కోట్ల బడ్జెట్ కేటాయించారట. గత ఆదివారం జరిగిన ఆడియో వేడుక భారీ ఎత్తున సాగింది. ఓ స్టార్ హీరో స్థాయిలో ఆ వేడుక అంగరంగ వైభవంగా జరిగింది. ''రేసుగుర్రం'', ''బ్రూస్‌లీ'' వంటి భారీ చిత్రాలకు ఫొటోగ్రఫి చేసిన మనోజ్‌ పరమహంస ఈ చిత్రానికి డైరెక్టర్‌ ఆఫ్‌ పొటోగ్రఫిగా వర్క్‌ చేస్తున్నారు. ఈ చిత్రం 2016లో వచ్చే సినిమాల్లో ఓ సెన్సేషన్‌ హిట్‌గా నిలుస్తుందని సినీ నిపుణులు అంటున్నారు.