మెగాస్టార్‌తో నటించే అవకాశమంటే ఏ నటుడికైనా, ఏ నటికైనా జాక్‌పాట్ కిందే లెక్క. అలాంటిది ఖైదీ నెం 150 సినిమాలో చిరంజీవితో కలిసి నటించినందుకు లక్ష్మీరాయ్ కుమిలి పోతోందట. చిరంజీవితో నటించడం వల్ల తన కెరీర్‌కే ముప్పు ఏర్పడిందని బాధపడుతోందట లక్ష్మీరాయ్. ఖైదీ నెంబర్ 150 సినిమాలో చిరుతో కలిసి ఐటమ్ సాంగ్‌కు స్టెప్పులేసిన లక్ష్మీరాయ్ కెరీర్ ముగిసిపోనుందా... అంటే సినీ ప్రముఖులు అవుననే సమాధానమిస్తున్నారు. పవర్‌స్టార్ పవన్ కళ్యాణ్‌‌తో సర్దార్ గబ్బర్ సింగ్‌లో కలిసి స్టెప్పులేశాక లక్ష్మీరాయ్‌కి చిరుతో అవకాశమొచ్చింది.
ఈ అవకాశం రాగానే రాయ్ ఎగిరిగంతేసినంత పని చేసింది. హీరోయిన్‌గా రాయ్ లక్ష్మికి మంచి గుర్తింపే ఉంది. ఎన్ని ఐటమ్ సాంగ్స్ చేసినా అమ్మడు మంచి మార్కులు కొట్టేస్తోంది. అయితే ప్రస్తుతం ఖైదీ నెం.150లో పాటకు డ్యాన్సులు వేశాక రాయ్ లక్ష్మిని ఐటమ్ సాంగ్‌లు మాత్రమే చేయమంటూ నిర్మాతలు క్యూ కడుతున్నారు. పారితోషికం ఎంత కావాలంటే అంత ఇస్తామని చెబుతున్నారు. ఇది లక్ష్మీరాయ్‌కి సంతోషాన్నిచ్చినా హీరోయిన్‌గా కాకుండా ఐటమ్ గర్ల్‌గా నటించాల్సి రావడంపై సమస్యగా వుందట.
ఐటం గర్ల్‌గా ముద్రపడిపోతే ఇక హీరోయిన్ కావడం సాధ్యం కాదనేది లక్ష్మీరాయ్ ఆలోచన. ఇప్పటివరకు హీరోయిన్ అవకాశం రాకపోవడంతో చిరుతో ఐటం సాంగ్ ఎందుకు చేశామా అని బాధపడుతోందట లక్ష్మీరాయ్. కాగా బాలీవుడ్లో జూలీ 2 చిత్రం చేస్తున్నా అదంతా పూర్తిగా స్కిన్ షోకే పరిమితం కావడం చూస్తుంటే ఇక లక్ష్మీరాయ్ మరో నమితలానో లేదంటే షెర్లిన్ చోప్రా... తదిర హాటెస్ట్ తారల లిస్టులో చేరిపోవడం ఖాయమనే కామెంట్లు వస్తున్నాయి.