నా బొడ్డుపై కొబ్బరికాయ విసిరితే.. దర్శకుడి మొహం మీదకే విసిరికొడతా: అమీ జాక్సన్

అమీ జాక్సన్. సూపర్ స్టార్ రజనీకాంత్ రోబో 2.0 హీరోయిన్. ప్రముఖ దర్శకుడు శంకర్ రూపొందిస్తున్న సినిమాల్లో నటిస్తూ వస్తున్న ఈ ముద్దుగుమ్మ రోబో సీక్వెల్‌లో అందాలను ఆరబోసేందుకు ఏమాత్రం వెనుకాడట్లేదు. అయితే

అమీ జాక్సన్. సూపర్ స్టార్ రజనీకాంత్ రోబో 2.0 హీరోయిన్. ప్రముఖ దర్శకుడు శంకర్ రూపొందిస్తున్న సినిమాల్లో నటిస్తూ వస్తున్న ఈ ముద్దుగుమ్మ రోబో సీక్వెల్‌లో అందాలను ఆరబోసేందుకు ఏమాత్రం వెనుకాడట్లేదు. అయితే గ్లామర్ పరంగా హద్దులు మీరేందుకు వెనుకాడని ఈ విదేశీ రాణి.. బొడ్డుపై కొబ్బరికాయ విసిరితే మాత్రం.. దర్శకుడి మొహం మీదకే విసిరికొడతానని తెలిపింది. దీంతో తాప్సీకి వంతపాడినట్లైంది. 

ఝమ్మందినాదం సినిమాలోని ఓ పాటలో దర్శకేంద్రుడు రాఘవేంద్రరావు.. తన బొడ్డుపై పండ్లు, కొబ్బరికాయ వేయించారని.. అందులో రొమాన్స్ ఏముందో తనకు అర్థం కాలేదని తాప్సీ ఇటీవల సంచలన వ్యాఖ్యలు చేసింది. అయితే ఈ వ్యాఖ్యలపై తాప్సీ ఇటీవలే సారీ చెప్పడంతో ఈ వివాదం సద్దుమణిగింది. కానీ అమీ జాక్సన్ అదే టాపిక్‌పై ప్రస్తావించడంతో మళ్లీ వివాదం రాజుకుంది. 

ఓ ఇంటర్వ్యూలో అమీ జాక్సన్ మాట్లాడుతూ.. మీ బొడ్డుపై కొబ్బరికాయ విసిరితే ఏం చేస్తారనే ప్రశ్నకు సమాధానమిచ్చింది. ఇప్పటివరకు తనకు అలాంటి పరిస్థితి ఎదురుకాలేదని, ఇప్పటిదాకా మంచి వ్యక్తిత్వం ఉన్న దర్శకులతోనే పనిచేశానని అమీ తెలిపింది. బొడ్డుపై కొబ్బరికాయలు విసరడం భయంకరంగా ఉంటుందని.. ఏ దర్శకుడైనా తన బొడ్డుపై కొబ్బరికాయ విసిరితే.. తిరిగి వారి మొహం మీదకే విసిరికొడతానని కామెంట్ చేసి షాకిచ్చింది.