అమెరికా ట్రిప్‌కు ఉచితంగా వెళ్లొచ్చని 'దేవదాసు'కు ఓకే చెప్పా : ఇలియానా

గోవా బ్యూటీగా గుర్తింపు నటి ఇలియానా. సుమారు 11 యేళ్ల క్రితం వైవిఎస్ చౌదరి దర్శకత్వంలో తెరకెక్కిన ‘దేవదాసు’ చిత్రం ద్వారా అందాల సుందరి ఇలియానా తెలుగు వెండితెరకు పరిచయమైంది. ప్రస్తుతం దక్షిణాదిలో సినిమా

గోవా బ్యూటీగా గుర్తింపు నటి ఇలియానా. సుమారు 11 యేళ్ల క్రితం వైవిఎస్ చౌదరి దర్శకత్వంలో తెరకెక్కిన ‘దేవదాసు’ చిత్రం ద్వారా అందాల సుందరి ఇలియానా తెలుగు వెండితెరకు పరిచయమైంది. ప్రస్తుతం దక్షిణాదిలో సినిమా అవకాశాలు లేక ఇంటికే పరిమితమైంది. కానీ, ప్రస్తుతం ఆమె నటించిన ‘ముబారక్’, ‘బాద్షాహో’ హిందీ చిత్రాలు త్వరలో విడుదల కానున్నాయి.

అయితే, ఆమె తాజాగా ఇచ్చిన ఇంటర్వ్యూలో దేవదాసు చిత్రంలో నటించే ఛాన్స్ ఏ విధంగా వచ్చిందో వివరించింది. తనకు అనుకోకుండా నటించే అవకాశం లభించిందని, అప్పుడు తన వయసు 15 సంవత్సరాలు మాత్రమేనని చెప్పింది. నిజం చెప్పాలంటే, అమెరికా ట్రిప్‌కు ఉచితంగా వెళ్లొచ్చని అప్పుడు తన మనసులో అనుకుని ఈ చిత్రంలో నటించేందుకు సమ్మతించినట్టు చెప్పింది. 

‘దేవదాసు’ సినిమా విడుదలైన తర్వాత, ప్రేక్షకుల స్పందన చూసేందుకు చిత్రయూనిట్‌తో కలిసి థియేటర్‌కు వెళ్లామని.. తన నటన నచ్చక ప్రేక్షకులు తనపై చెప్పులు విసురుతారేమోనని అనుకున్నానని, కానీ, తన నటన ప్రేక్షకులకు నచ్చడంతో ఆశ్చర్యపోయినట్టు చెప్పారు.