బాలీవుడ్ స్టార్ కపుల్ మలైకా అరోరా, అర్జున్ కపూర్ జంట విడిపోతున్నట్లు ఓ వార్త నెట్టింట వైరల్ అవుతోంది. ఈ మధ్య అర్జున్-మలైకా విడిగా వుంటున్నట్లు తెలుస్తోంది. . మలైకా సాధారణంగా అర్జున్ ఫ్యామిలీ డిన్నర్‌లకు అర్జున్‌తో కలిసి హాజరవుతుంటారు. కానీ తాజాగా అర్జున్ ఫ్యామిలీతో మలైకా కలవడం లేదని వార్తల సారాంశం. దాంతో స్టార్ కపుల్ అర్జున్ - మలైకా బ్రేకప్ అనే వార్త నెట్టింట హల్చల్ చేసింది.
ఈ వార్తలపై అర్జున్ కపూర్ స్పందిస్తూ షాకింగ్ రిప్లై ఇచ్చారు. మలైకాతో ఉన్న ఓ స్టైలిష్ పిక్ పోస్ట్ చేసి నీచమైన పుకార్లు నమ్మొద్దు అని ట్వీట్ చేశారు. 'నీచమైన పుకార్లకు అస్సలు స్థానం లేదు. సురక్షితంగా ఉండండి. ఆశీర్వాదంతో ఉండండి. ప్రజలకు శుభాకాంక్షలు. అందరినీ ప్రేమిస్తున్నాను' అంటూ రూమర్లకు కౌంటర్ ఇచ్చారు.
మలైకాతో ఉన్న మిర్రర్ సెల్ఫీని పోస్ట్ చేయడం ద్వారా వీరిద్దరూ విడిపోతున్నారన్న వార్తల్లో వాస్తవం లేదని స్పష్టం అయింది. అర్జున్ పోస్ట్‌పై మలైకా కూడా స్పందించారు. హార్ట్ ఎమోజీ పోస్ట్ చేసి తమ మధ్య బంధం బాగుందని పేర్కొన్నారు. తారా సుతారియా, భూమి పెడ్నేకర్, అమృత అరోరా, సోఫీ చౌదరి, అతియా శెట్టి, తాహిరా కశ్యప్, అమీ జాక్సన్ కూడా అర్జున్ పోస్ట్‌పై స్పందించారు.