'బాహుబలి'లో నా కుమారుడు అద్దెగర్భం ద్వారా పుట్టాడు : భల్లాలదేవ

'బాహుబలి 2' చిత్రంలో మహిష్మతి రాజు భల్లాలదేవుడికి ఓ కుమారుడు ఉంటాడు. ఈ చిత్రంలో భల్లాలదేవుడికి పెళ్లి కాకుండానే కొడుకు ఎలా పుట్టాడన్న ప్రశ్నకు సమాధానం లేదు. ఈ విషయంపై దర్శకుడు ఎస్.ఎస్. రాజమౌళితో పాటు

'బాహుబలి 2' చిత్రంలో మహిష్మతి రాజు భల్లాలదేవుడికి ఓ కుమారుడు ఉంటాడు. ఈ చిత్రంలో భల్లాలదేవుడికి పెళ్లి కాకుండానే కొడుకు ఎలా పుట్టాడన్న ప్రశ్నకు సమాధానం లేదు. ఈ విషయంపై దర్శకుడు ఎస్.ఎస్. రాజమౌళితో పాటు కథా రచయిచ విజయేంద్ర ప్రసాద్ కూడా జవాబు చెప్పలేదు. 

నిజానికి ఈ చిత్రం విడుదల కాకముందు బాహుబలిని కట్టప్ప ఎందుకు చంపాడన్న ప్రశ్న దేశ వ్యాప్తంగా చర్చనీయాంశంగా మారింది. చిత్రం విడుదలయ్యాకు ఆ ప్రశ్నకు సమాధానం లభించగా, మరో కొత్త ప్రశ్న ఉత్పన్నమైంది. ఈ చిత్రంలో 'భల్లాలదేవుడి భార్య ఎవరు? అతనికి కుమారుడు ఎలా పుట్టాడు?' అనేదే ఈ సందేహం. 

ఈ ప్రశ్నకు భల్లాలదేవుడు రానా తనదైన శైలిలో సమాధానం ఇచ్చాడు. భద్ర తల్లి ఎవరు? అనే ప్రశ్న అడిగేవారికి... వాడికి తల్లే లేదని చెప్పండి అని అన్నాడు. సరోగసీ (అద్దె గర్భం) ద్వారా భద్ర పుట్టాడని చమత్కరించాడు. కాగా, గత నెల 28వ తేదీన విడుదలైన ఈ చిత్రం ప్రపంచ వ్యాప్తంగా కనకవర్షం కురిపిస్తున్న విషయం తెల్సిందే.