ఒకటిన్నర సంవత్సరం గ్యాప్. చేతిలో సినిమాల్లేవు. మూడురోజుల క్రితమే రెండు సినిమాలను ఒప్పుకుంది. అయితే ఆ సినిమాలు ఇంకా సెట్స్ పైకి వెళ్ళలేదు. సినిమా సెట్స్ పైకి వెళ్ళేందుకు చాలా సమయం పడుతుంది. కానీ అవకాశాలు వచ్చినా, అగ్రహీరోల సరసన నటించేందుకు ఛాన్స్‌లు ఇచ్చినా మాత్రం ఆ హీరోయిన్ వద్దంటోంది. ఆమె ఇంకెవరో కాదు అనుష్క.
భాగమతి సినిమా తరువాత అనుష్క మళ్ళీ సినిమాలు చేయలేదు. తాజాగా ఆమెకు మణిశర్మ దర్సకత్వంలో ఒక సినిమా, మాధవన్ హీరోగా తెరకెక్కుతున్న మరో సినిమాకు అవకాశం వచ్చింది. ఆ సినిమాల కన్నా ముందు మెగాస్టార్ నటిస్తున్న సైరా సినిమాలో ప్రధాన సూత్రధారి క్యారెక్టర్‌కు అనుష్కను ఎంచుకున్నారు. సినిమా యూనిట్ ఆమెను కలిసినా తరువాత చెబుతానంటూ అనుష్క మాట దాటవేస్తోందట.
కాసేపు మాత్రమే ఉన్న ఆ సూత్రధారి క్యారెక్టర్ చేయడం అనుష్కకు ఏ మాత్రం ఇష్టం లేదట. అందుకే ఆ విషయం చెప్పలేక ఇలా అనుష్క సైలెంట్‌గా ఉంటోందని తెలుగు సినీపరిశ్రమలో చర్చ జరుగుతోంది. చిరంజీవితో కలిసి నటిస్తే పూర్తిస్థాయి హీరోయిన్ గా నటించాలే తప్ప 10 నిమిషాలు ఉన్న పాత్ర చేయడం ఏమిటన్నది అనుష్క ఆలోచన.