అనసూయ అదరగొట్టేసిందటగా.. విన్నర్‌లో సూయ సూయ అనసూయ అంటూ చిందులు..

''సోగ్గాడే చిన్ని నాయన''లో యాంకర్ అనసూయ స్పెషల్‌గా మెరిసిన సంగతి తెలిసిందే. తాజాగా విన్నర్ సినిమాలో ఐటమ్ గర్ల్‌‍గా చిందులేసింది. ఈ సినిమాకు సంబంధించిన పాటను యూనిట్ రిలీజ్ చేసింది. విడుదల చేసిన నాలుగున

''సోగ్గాడే చిన్ని నాయన''లో యాంకర్ అనసూయ స్పెషల్‌గా మెరిసిన సంగతి తెలిసిందే. తాజాగా విన్నర్ సినిమాలో ఐటమ్ గర్ల్‌‍గా చిందులేసింది. ఈ సినిమాకు సంబంధించిన పాటను యూనిట్ రిలీజ్ చేసింది. విడుదల చేసిన నాలుగున్నర నిమిషాల నిడివిగల ఈ వీడియోలో అనసూయ ఫోటోలు మాత్రమే కనిపించాయి. అంతకుమించి మరేమీలేదు.. ఇక సెట్ మాత్రం మాంచి కలర్ ఫుల్‌గా వుంది. 

అయితే స్పీడ్ సాంగ్ కావడంతో డ్యాన్స్ కూడా అలాగే వుంటుందని భావిస్తున్నారు. ఇక లిరిక్స్ కూడా అనసూయ పేరుతో వుండడం గమనార్హం. అనసూయ సాంగ్ మూవీకే హైలైట్ అని యూనిట్ భావిస్తోంది. సోగ్గాడేలో అంతగా ఆకట్టుకోలేకపోయినా.. విన్నర్‌ ద్వారానైనా ఆకట్టుకోవాలని ఉవ్విళ్లూరుతోంది. సాయిధరమ్ తేజ్- రకుల్ ప్రీత్ సింగ్ జంటగా నటిస్తున్న ఈ సినిమాకు గోపిచంద్ మలినేని దర్శకత్వం వహిస్తున్నారు. ఈ సినిమా ఫిబ్రవరి 24న రిలీజ్ చేసేందుకు రంగం సిద్ధం చేస్తున్నారు.