ఉన్న గ్లామ‌ర్‌ను మ‌రింత‌గా మెరుగు ప‌రిచేందుకు సినీ భామ‌లు టూర్లు వెళుతుంటారు. లేదా రెస్ట్ తీసుకుంటారు. కానీ బాలీవుడ్ నాయిక అలియాభట్ మాత్రం ఒకవైపు క‌ష్ట‌ప‌డుతూ క‌స‌ర‌త్తులు చేస్తూనే మ‌రోవైపు రిలీఫ్ కోసం బీచ్‌ల్లో ఇలా అందాల‌ను ఆర‌బోస్తుంది. ఇక సినిమా ప‌రంగా తన పాత్ర‌కు త‌గిన‌ట్లుగా త‌న‌ను మ‌లుచుకుంటాన‌ని చెబుతోంది.
స‌హ‌జంగా షూటింగ్‌లో గేప్‌లో రిలాక్స్ కావ‌డం మామూలే. కానీ త‌ను అలాకాదని చెబుతోంది. ఆమె వేశ్యగా, మాఫియా నాయకురాలిగా వైవిధ్యపాత్రలో నటిస్తోన్న చిత్రం ‘గంగూబాయ్‌ కతియావాడి’. ఈ సినిమాలో ఇంకో రెండు పాటల చిత్రీకరణ మిగిలి ఉంది. చిత్ర దర్శకుడు సంజయ్‌లీలా భన్సాలీ షూటింగ్‌కు విరామం ఇచ్చినా అలియా తన డ్యాన్స్‌ ప్రాక్టీస్‌ మాత్రం ఆపడం లేదు. సంజయ్‌లీలా భన్సాలీ అంటే పర్‌ఫెక్షనిస్ట్‌. ఇందులో ఒక పాటను తనదైన శైలిలో 200 మంది గ్రూప్‌ డ్యాన్సర్లతో భారీఎత్తున సెట్‌ వేసి మరీ చిత్రీకరించనున్నారట. అందుకే అలియా రిహార్సల్స్‌ చేస్తున్నారు. మ‌ధ్య‌లో రిలీఫ్‌కోసం ఇలా బీచ్‌లో కాసేపు గ‌డిపి వ‌స్తుంద‌ట. ఇక ఈ ‘గంగూబాయ్‌..’ తోపాటు రణ్‌బీర్‌ కపూర్‌ సరసన ‘బ్రహ్మాస్త్ర’ చిత్రంలో ఆమె నటిస్తున్నారు.