ప్రగ్యా జైశ్వాల్‌తో బాలకృష్ణ 'హ్యాపీ మూడ్' పార్టీ... (video)

టాలీవుడ్ సీనియర్ హీరో నందమూరి బాలకృష్ణ - దర్శకుడు బోయపాటి శ్రీను కాంబినేషన్‌లో "అఖండ" పేరుతో ఓ చిత్రం తెరకెక్కుతుంది. ఈ చిత్రంలో యువ నటి ప్ర‌గ్యా జైశ్వాల్ హీరోయిన్‌గా నటిస్తున్నారు.

ఇటీవలే అన్నపూర్ణ స్టూడియోలో వేసిన భారీ సెట్‌లో షూట్ చేసిన పాట‌తో 'అఖండ‌' చిత్రీకరణ పూర్తి చేస‌కుంది. కరోనా ప్ర‌భావంతో వాయిదా ప‌డుతూ వ‌చ్చిన షూటింగ్ పూర్తి కావ‌డంతో చిత్ర‌ యూనిట్ ఆనందంలో మునిగిపోయారు. బాల‌కృష్ణ అండ్ టీం వేడుక చేసుకుంది.

డైరెక్ట‌ర్ బోయ‌పాటి, బాల‌కృష్ణ‌, నిర్మాత‌లు, హీరోయిన్లు, ఇత‌ర చిత్ర‌యూనిట్ స‌భ్యులంతా క‌లిసి పార్టీ చేసుకున్నారు. బాల‌కృష్ణ‌, ప్ర‌గ్యా జైశ్వాల్ ఈ పార్టీలో చిల్ అవుట్ అవుతున్న స్టిల్ ఒక‌టి ఇపుడు నెట్టింట్లో చ‌క్క‌ర్లు కొడుతోంది. 

వైట్ అండ్ వైట్ డ్రెస్‌లో బాల‌కృష్ణ చిరున‌వ్వుతో విక్ట‌రీ సింబ‌ల్ చూపిస్తుండ‌గా.. ప‌క్క‌నే ఉన్న ప్ర‌గ్యా జైశ్వాల్ హీరోతో క‌లిసి హ్యాపీ పార్టీ మూడ్‌లో ఉన్న ఫొటో సోష‌ల్ మీడియాలో ట్రెండింగ్ అవుతోంది.