దర్శకనిర్మాతలతో అడ్జెస్ట్ అయిన హీరోయిన్లకే బెస్ట్ ఫ్యూచర్ : బోల్డ్‌గా వెల్లడించిన శివగామి

హీరోయిన్‌గా కంటే.. 'పడయప్ప' చిత్రంలో పోషించిన నీలాంబరి పాత్ర, తాజాగా 'బాహుబలి' చిత్రంలో రాజమాత శివగామి పాత్రల ద్వారానే మంచి పాపులారిటీ సంపాదించుకున్న హీరోయిన్ రమ్యకృష్ణ. తెలుగు చిత్రపరిశ్రమలోకి అడుగుప

హీరోయిన్‌గా కంటే.. 'పడయప్ప' చిత్రంలో పోషించిన నీలాంబరి పాత్ర, తాజాగా 'బాహుబలి' చిత్రంలో రాజమాత శివగామి పాత్రల ద్వారానే మంచి పాపులారిటీ సంపాదించుకున్న హీరోయిన్ రమ్యకృష్ణ. తెలుగు చిత్రపరిశ్రమలోకి అడుగుపెట్టిన తొలి రోజుల్లో ఐరెన్ లెగ్‌గా ముద్రవేయించుకున్న... ఆ తర్వాత సక్సెస్‌పుల్ హీరోయిన్‌గా వెండితెరపై చెరగని ముద్రవేశారు. పిమ్మట దర్శకుడు కృష్ణవంశీని వివాహం చేసుకుని... ఓ బిడ్డకు తల్లి అయింది. అయినా.. కుర్ర హీరోయిన్లకు ఏమాత్రం తీసిపోని గ్లామర్‌తో వెండితెరపై శివగామి రాణిస్తోంది. ఈమె తాజాగా ఓ అంశంపై బోల్డ్‌గా తన మనసులోని మాటను వెల్లడించింది. 

ఇటీవలి కాలంలో పలువురు హీరోయిన్లు చిత్రపరిశ్రమలో తాము ఎదుర్కొన్న లైంగిక వేధింపులపై ఒక్కొక్కరుగా నోరు విప్పుతున్నారు. నిర్మాత‌ల‌, ద‌ర్శ‌కుల రూమ్‌లకు వెళితేనే సినిమా అవ‌కాశాలు వ‌స్తాయ‌ని చాలా మంది బాహాటంగా చెప్పారు. అలా లొంగ‌క‌పోతే సినిమా కెరీర్‌కు ఫుల్‌స్టాప్ ప‌డిపోతుంద‌ని స్పష్టంచేశారు. అలాంటి వేధింపులు చాలా ఎదుర్కొన్నామని కూడా కొంతమంది హీరోయిన్లు వెల్ల‌డించారు. ఈ వ్య‌వ‌హారంపై సీనియర్ హీరోయిన్ ర‌మ్య‌కృష్ణ తొలిసారి స్పందించింది.

ఇత‌ర రంగాల మాదిరిగానే సినిమా ఇండ‌స్ట్రీలోనూ అడ్జ‌స్ట్‌మెంట్ త‌ప్ప‌నిస‌రి అని శివగామి అంటోంది. అంతేకాకుండా అలా అడ్జ‌స్ట్ అయిన హీరోయిన్లే కెరీర్‌లో ముందుకు వెళ‌తార‌ని అభిప్రాయపడింది. అయితే అడ్జ‌స్ట్ అవ‌డం, కాక‌పోవడం అనేది వారి వారి వ్య‌క్తిగ‌త నిర్ణ‌యాల‌ను బ‌ట్టి ఉంటుంద‌ని, అయితే అలా అడ్జ‌స్ట్ అయితే మాత్రం కెరీర్ పరంగా ముందుకు వెళ‌తార‌ని రమ్యకృష్ణ చెప్పడం ఇపుడు చర్చనీయాంశంగా మారింది.