"సుడిగాడు" సెన్సార్ సభ్యులకు షాక్..! బూతులే బూతులట..!!

WD

తెలుగు వెండితెరపై తనకంటూ ఓ ప్రత్యేక ఇమేజ్‌ను సొంతం చేసుకున్న ఇవివి తనయుడు అల్లరి నరేష్ సినిమా అంటే నవ్వుల పండుగేనని ప్రత్యేకంగా చెప్పనక్కర్లేదు. అలాంటి మరో సినిమాతో నరేష్ ప్రేక్షకుల ముందుకు "సుడిగాడు"లా రానున్నాడు.

తాజాగా ఈ చిత్రం సెన్సార్ పూర్తి చేసుకుని యు/ఎ సర్టిఫికేట్ పొందగా ఈ చిత్రాన్ని సెన్సార్ చేసిన సభ్యులు మాత్రం షాక్‌కు గురైయ్యారట. సినిమా చూస్తే షాక్ ఎందుకు తిన్నారని అనుకుంటున్నారా...?

ఈ సినిమా ఇప్పటివరకు విడుదలైన సినిమాలకు పేరడీతో వస్తున్న కథాంశం అంటున్నారు. కాగా ఈ చిత్రంలో నరేష్ మితిమీరిన బూతు జపం చేశాడట. నరేష్ బూతుల్ని జనాలు తట్టుకొలేరంటున్నారు సెన్సార్ సభ్యులు. మరీ అభ్యంతరకరమైన కొన్ని సన్నివేశాలను తొలగించి, బూతులు ఎక్కువ ఉన్నచోట కీ....క్ సౌండ్‌లు పెట్టారట.

ఈ చిత్రం చూసిన వారికి బుగ్గలు, కడుపు నొప్పి రావడం కచ్చితమని సెన్సార్ సభ్యులలో ఒకరు చెపుతున్నారట. మొత్తానికి అల్లరి నరేష్ కామెడీ కాస్తా బూతు పురాణం చిత్రాలుగా మారుతున్నాయని టాలీవుడ్ సినీజనం తెగ చెప్పుకుంటున్నారు.