దక్షిణాది చిత్ర పరిశ్రమలో ఒక భాష చిత్రాన్ని మరొక భాషలోకి రీమేక్ చేయడం అనాదిగా జరుగుతున్న విషయమే. తాజాగా నందమూరి యంగ్ హీరో కళ్యాణ్ రామ్ ఎంతో కాలం తర్వాత హిట్టు సాధించిన చిత్రం 'పటాస్' తమిళలోకి రీమేక్ కానుంది. కళ్యాణ్ రామ్ హీరో - నిర్మాత గా వహించిన సినిమా 'పటాస్' మంచి విజయం సాధించింది.
పటాస్ సినిమాతో మంచి హిట్ ని కళ్యాణ్ రామ్ కొట్టేశాడు. వారం రోజుల్లో రూ.10 కోట్లు వసూలు చేసి సేఫ్ జోన్ లో ఉండిపోయింది. ఈ సినిమా రీమేక్ రైట్స్‌ను గురువారం కన్నడ దర్శకుడు కొనగా, శుక్రవారం తమిళ రీమేక్ రైట్స్ కూడా అమ్ముడుపోయాయి. తమిళంలో ప్రముఖమైన సూపర్ గుడ్ ఫిలిమ్స్ వారు రూ.63 లక్షలకి ఈ సినిమా రైట్స్ ని కొనుగోలు చేసుకున్నారు.
కాగా పటాస్ తమిళంలో హీరో ఎవరు అనేది విషయం ఇంకా ఫైనలైజ్ కాలేదు. అదేవిధంగా జీ-తెలుగు ఈ సినిమాని రూ.4.30 కోట్లకు కొనేసింది. దీంతో కళ్యాణ్ రామ్‌కి ఈ సినిమాతో రూ.15 - 20 కోట్ల లాభం తెచ్చిపెట్టిందన్నమాట.