తమిళనాడు మాజీ ముఖ్యమంత్రి జయలలిత ఆదాయానికి మించిన ఆస్తుల కేసులో అభిశంసనకు గురైన విషయం తెల్సిందే. అక్రమాస్తుల కేసులో ఆమెకు కోర్టు నాలుగేళ్ళ జైలు శిక్ష, రూ.100 కోట్ల జరిమానా విధించింది. అయితే తమిళనాడులోని చాలామంది ప్రజలు మాత్రం ఆమెకు అన్యాయంగా శిక్ష వేశారనే భావిస్తూ రోడ్లపైకి వచ్చి ఆందోళన చేస్తూ తమ నిరసన వ్యక్తం చేస్తున్నారు.
ముఖ్యంగా తమిళ సినిమా రంగం జయలలితకు వచ్చిన కష్టాలు చూసి తల్లడిల్లిపోయింది. అందుకే తమిళనాడులోని పలువురు చలనచిత్ర నటులు, టీవీ నటులు నిరాహార దీక్షకు దిగారు. జయలలితకు జైలు శిక్ష వేయడాన్ని నిరసిస్తూ నిరవధిక నిరాహారదీక్ష చేపట్టారు. మరోవైపు తమిళనాడులో సినిమా థియేటర్ల బంద్‌కి ఎగ్జిబిటర్ల సంఘం పిలుపు ఇవ్వడంతో రాష్ట్రంలో థియేటర్లు మూతపడ్డాయి.