అఖిల్ నటించే తొలి సినిమా ఓపెనింగ్ నవంబర్ 14న సినీ ప్రముఖుల సమక్షంలో హైదరాబాదులో గ్రాండ్‌గా జరుగనుంది. వి.వి. వినాయక్ దర్శకత్వంలో తెరకెక్కనున్న ఈ చిత్రాన్ని శ్రేష్ఠ్ మీడియా పతాకంపై నితిన్ తండ్రి సుధాకర్ రెడ్డి నిర్మిస్తున్నారు.
నాగార్జునకు, సుధాకర్ రెడ్డికి చాలా కాలంగా మంచి స్నేహ సంబంధాలు ఉన్నాయి. ఈ కారణంగానే, అఖిల్ తొలి చిత్రాన్ని సొంత నిర్మాణ సంస్థ అన్నపూర్ణ స్టూడియోస్‌పై నిర్మించకుండా, సుధాకర్ రెడ్డికి అప్పజెప్పారని సమాచారం.
ఈ సినిమాకు సంబంధించిన మరో ఆసక్తికర విషయమేమిటంటే, సొంత నిర్మాణసంస్థ కావడంతో, ఈ సినిమాలో గెస్ట్ రోల్ చేయడానికి నితిన్ ఒప్పుకున్నట్టు తెలుస్తోంది. నితిన్ క్యారెక్టర్ ఈ చిత్రానికి స్పెషల్ ఎట్రాక్షన్‌గా ఉంటుందని సమాచారం. ఈ సినిమా రెగ్యులర్ షూటింగ్ నవంబర్ నెలాఖరు నుంచి మొదలవుతుంది.