శ్రుతిహాసన్ కెరీర్లో తొలిసారి స్పెషల్ సాంగ్ చేయనుంది. ఐటమ్ గర్ల్గా "ఆగడు"లో స్టెప్పులేయనుంది. ఒక్కప్పుడు ఐరన్ లెగ్గా ఉండిన ఈ భామ గబ్బర్ సింగ్లో పవర్ స్టార్ పక్కన నటించేసరికి ఒక్కసారిగా టాప్ హీరోయిన్ అయిపోయింది. ఇదే క్రేజ్తో భారీ పారితోషికం పుచ్చుకోవడంతో పాటు వరుస ఆఫర్లను కొట్టేసింది.
ఈ నేపథ్యంలో టాప్ హీరోయిన్గా అనేక సినిమాల్లో బుక్కయిన శ్రుతి హాసన్.. ఆగడు సినిమా కోసం రూటు మార్చింది. ఆగడు కోసం ఐటమ్ గర్ల్గా అవతారమెత్తింది. తద్వారా కెరీర్లో స్పెషల్ సాంగ్ చేయబోతోంది. దీనిపై సినీ వర్గాల్లో మిక్స్డ్ రియాక్షన్ వస్తోంది. అభిమానులైతే ఇదేంటబ్బా.. ఐటమ్ గర్ల్ శ్రుతిహాసనా.. హీరోయిన్ ఆఫర్స్ తగ్గిపోతాయని వాపోతుంటే.. మరికొందరు భారీ పారితోషికం కోసం స్పెషల్ సాంగ్కు ఒప్పుకుందని గుసగుసలాడుకుంటున్నారు.
ఆగడు సినిమాలో తాను మహేష్తో డ్యాన్స్ చేయాలంటే భారీ రెమ్యునరేషన్ ఇవ్వాల్సిందేనని శ్రుతి డిమాండ్ పెట్టినా.. సినిమా కోసం ఆమె అడిగిన మొత్తానికి యూనిట్ ఒప్పేసుకుందని ఫిలిమ్ నగర్ వర్గాల సమాచారం. దీంతో స్పెషల్ సాంగ్లో శ్రుతి స్పెషల్ అప్పీరియన్స్ ఇచ్చేందుకు రెడీ అయ్యిందని తెలుస్తోంది. మరి ఈ ఐటం సాంగ్ శ్రుతిహాసన్కు ఏ మేరకు కలిసొస్తుందో వేచి చూడాలి.