టాలీవుడ్, కోలీవుడ్‌లలో అగ్రతారగా వెలుగుతున్న అందాల తార నయనతారకు మాజీ ప్రియుడు శింబుతో పెళ్లి అయిపోయింది అని కోలీవుడ్‌లో ప్రచారం జరుగుతుంది. వీరిద్దరి పెళ్లి పోస్టర్లు కలకలం రేపుతున్నాయి.
అది వీరికి నిజం పెళ్లైతే బాగుండు అని అభిమానులు అనుకుంటున్నారు. ఎందుకంటే ఈ పెళ్లి ఫోటోలు నిజమైన పెళ్లి ఫోటోలు కావు. వీరిద్దరూ కలసి తాజాగా నటిస్తున్న 'ఇదు నమ్మ ఆలూ' సినిమాలోని స్టిల్స్. ఈ చిత్రంలో ఒక సన్నివేశంలో వీరిద్దరికి పెళ్లి జరుగుతుంది.
ఆ పెళ్లి ఫోతోలనే దర్శకనిర్మాతలు పబ్లిసిటీకి ఉపయోగించుకున్నారు. రొమాంటిక్ కామెడీగా రూపొందుతున్న ఈ సినిమా వచ్చే నెలలో విడుదల చేసేందుకు దర్శకనిర్మాతలు సన్నాహాలు చేస్తున్నారు. పాండిరాజ్ దర్శకత్వంలో రూపొందుతున్న ఈ సినిమాని సిలంబరసన్ నిర్మిస్తున్నారు.