ఛార్మి ప్రధానపాత్రలో ఛార్మి కౌర్‌ సమర్పణలో సి.కె.ఎంటర్‌టైన్మెంట్‌ ప్రై.లి., శ్రీశుభశ్వేత ఫిలిమ్స్‌ బ్యానర్స్‌పై డాషింగ్‌ డైరెక్టర్‌ పూరి జగన్నాథ్‌ దర్శకత్వంలో శ్వేతలానా, వరుణ్‌, తేజ్‌, సి.వి.రావు సంయుక్తంగా నిర్మిస్తున్న చిత్రం 'జ్యోతిలక్ష్మీ'. పూరి జగన్నాథ్‌ డైరెక్షన్‌లో ఛార్మి హీరోయిన్‌గా 'జ్యోతిలక్ష్మీ' పేరుతో సినిమా చెయ్యబోతున్నామని దర్శకనిర్మాతలు ఎనౌన్స్‌ చెయ్యడంతోనే ఈ సినిమా మీద అందరికీ ఒక ఇంట్రెస్ట్‌ క్రియేట్‌ అయింది. ఎప్పుడైతే ఈ సినిమాకి సంబంధించిన ట్రైలర్‌ రిలీజ్‌ చేశారో ఆడియన్స్‌లో అప్పటివరకు వున్న ఎక్స్‌పెక్టేషన్స్‌ రెట్టింపయ్యాయి. బిజినెస్‌పరంగా కూడా మంచి క్రేజ్‌ వచ్చింది.
ఈమధ్య కాలంలో ఎక్కువ క్రేజ్‌ వున్న సినిమాగా 'జ్యోతిలక్ష్మీ' చిత్రాన్ని చెప్పుకోవచ్చు. ఈ చిత్రానికి సంబంధించిన అన్ని కార్యక్రమాలు పూర్తిచేసి జూన్‌ 12న విడుదల చెయ్యడానికి నిర్మాతలు సన్నాహాలు చేస్తున్నారు. ఈ సందర్భంగా సి.కె.ఎంటర్‌టైన్‌మెంట్స్‌ అధినేత సి.కళ్యాణ్‌ మాట్లాడుతూ- ''మా 'జ్యోతిలక్ష్మీ' చిత్రాన్ని జూన్‌ 12న విడుదల చెయ్యడానికి ప్లాన్‌ చేస్తున్నాం. ఇటీవల విడుదలైన ఈ చిత్రం ట్రైలర్‌కి చాలా మంచి స్పందన వస్తోంది.
బిజినెస్‌ పరంగా కూడా మేం చాలా హ్యాపీగా వున్నాం. అన్ని ఏరియాల నుంచి చాలా మంచి ఆఫర్స్‌ వస్తున్నాయి. ఈ చిత్రానికి సునీల్‌ కశ్యప్‌ అద్భుతమైన సంగీతాన్నందించారు. జూన్‌ 4న ఈ చిత్రం ఆడియోను చాలా డిఫరెంట్‌గా రిలీజ్‌ చెయ్యబోతున్నాం. ఈ చిత్రాన్ని పూరి జగన్నాథ్‌గారు చాలా వండర్‌ఫుల్‌గా తెరకెక్కించారు. ఆయన కెరీర్‌లో తప్పకుండా ఈ సినిమా ఒక డిఫరెంట్‌ కమర్షియల్‌ మూవీ అవుతుంది. అలాగే ఛార్మి ఇప్పటివరకు చెయ్యని ఒక ఛాలెంజింగ్‌ రోల్‌ ఈ సినిమాలో చేసింది. ఛార్మి కెరీర్‌లో 'జ్యోతిలక్ష్మీ' అనే సినిమా ఒక మరపురాని చిత్రంగా అందరి ప్రశంసలు అందుకుంటుంది'' అన్నారు.