కోలీవుడ్ అవార్డులు, రివార్డులు సాధించి సంచలనం సృష్టించిన 'కాక్కముట్టై' అనే తమిళ సినిమాను నిషేధించాలని న్యాయవాదులు డిమాండ్ చేస్తున్నారు. ఆ సినిమాలో న్యాయవాదులను కించపరిచేలా కొన్ని సన్నివేశాలు ఉన్నాయని, అందుకే దానిని నిషేధించాలని అఖిలభారత న్యాయవాదుల సంఘం అధ్యక్షుడు మణివన్నన్ తెలిపారు.
ఆయనతో పాటు మరో 50 మంది న్యాయవాదులు కలిసి చెన్నైలో పోలీసులకు ఫిర్యాదు చేశారు. కాగా, ఈ సినిమాలో నటనకు గాను ప్రధాన పాత్రలు పోషించిన రమేష్, విఘ్నేష్ లకు జాతీయ అవార్డులు రాగా, సినీ అభిమానులు చిత్రాన్ని ఎంతగానో ప్రశంసిస్తున్నారు.