ప్రతి తల్లీ తండ్రి తమ పిల్లలపై ఎన్నో ఆశలు పెట్టుకుంటారు. అది ఆ పిల్లలపై ఒత్తిడి పెంచుతుంది. పిల్లల ఇంట్రెస్ట్, సామర్థ్యానికి మించిన ఒత్తిడి పెరిగితే పిల్లలు ఎలా రియాక్ట్‌ అవుతారు? అలాంటి పరిస్థితి ఎదురైన ఓ పిల్లాడు, అతని చుట్టూ జరిగిన కొన్ని విచిత్ర సంఘటలనతో అతని కుటుంబం ఎలాంటి సమస్యలు ఎదుర్కొంది? వారెలా సమస్యల నుంచి బయటపడ్డారు? అనే అంశంతో 'బుడుగు' అనే చిత్రం రూపొందుతోంది.
ఇది పూర్తి చైల్డ్‌ క్లినికల్‌ సైకాలజీ కోణంలో నడిచే ఇంటెన్స్‌ ఫ్యామిలీ థ్రిల్లర్‌. ఇద్దరు పిల్లలు, వారి తల్లిదండ్రులు, వారి కుటుంబం మధ్య పట్టు సడలని డ్రామాతో నడుస్తూ, ప్రేక్షులను ఉద్వేగానికి గురిచేసే కథ ఇది. త్వరలో షూటింగ్‌ పూర్తిచేసుకోబోతున్న ఈ చిత్రం ఇన్నోవేటీవ్‌ ప్రైవేట్‌ లిమిటెడ్‌ పతాకంపై నిర్మిస్తున్నారు. ఇందులో ప్రధాన పాత్రలో లక్ష్మీ మంచు, శ్రీధర్‌రావు, ప్రేం బాబు నటిస్తుండగా, మరికొన్ని ముఖ్య ప్తారల్లో బేబి డాలీ, సన, ఇందు, ఆనంద్‌, శైలజవాణి నటిస్తున్నారు.
దర్శకుడు మన్‌మోహన్‌ మాట్లాడుతూ.. నాకు తెలిసిన ఓ సంఘటన ఆధారంగా పూర్తిస్థాయి పరిశోధించి అనేకమంది సైకాలజిస్ట్‌లతో చర్చించుకుని తయారుచేసుకున్న కథ ఇది. తెలుగు కథల్లో కొత్తగా వుంటుందని నమ్ముతున్నానని తెలిపారు. దీనికి సంగీతం: సాయికార్తీక్‌, ఎడిటింగ్‌: శ్యామ్‌ మేంగా, కళ: ఎ.రాం. సినిమాటోగ్రఫీ: సురేష్‌ రగుతు, ఎగ్జిక్యూటివ్‌ నిర్మాత: వంశీ పుల్లురి, నిర్మాతలు: భాస్కర్‌, సారిక శ్రీనివాస్‌, రచన, దర్శకత్వం: మన్‌మోహన్‌.