తమిళ హీరో విజయ్ సమంత కాంబినేషన్‌లో ఏఆర్. మురుగదాస్ దర్శకత్వంలో వచ్చిన చిత్రం 'కత్తి'. ఈ చిత్రం వసూళ్లలో కోలీవుడ్ రికార్డులను తిరగరాస్తోంది. ఎన్నో అవాంతరాలను అధిగమించి ఈ నెల 22వ తేదీన ఈ సినిమా తమిళ ప్రేక్షకుల ముందుకొచ్చిన విషయం తెల్సిందే.
అప్పటి నుంచి బుధవారానికి (29వ తేదీ వరకు) ప్రపంచ వ్యాప్తంగా ఏకంగా రూ.82 కోట్లను వసూలు చేసి సరికొత్త రికార్డును సృష్టించింది. ఈ వారం ముగిసేలోపు రూ.100 కోట్లు కొల్లగొడుతుందని కోలీవుడ్ వాణిజ్య వర్గాలు పేర్కొంటున్నాయి. అదే కనుక నిజమైతే తమిళంలో ఈ ఏడాది భారీ విజయం సాధించిన సినిమా కూడా ఇదే అవుతుంది.
ఇదే అంశంపై ట్రేడ్ అనలిస్ట్ త్రినాథ్ మాట్లాడుతూ... నిస్సందేహంగా ఈ సంవత్సర తమిళ బ్లాక్ బాస్టర్ ఈ సినిమానే. తొలి వారంలోనే ఏకంగా రూ.82 కోట్లు వసూలు చేసింది. ఖచ్చితంగా రూ.వంద కోట్ల మార్కును చేరుకుని సరికొత్త రికార్డును సృష్టిస్తుందని పేర్కొన్నారు.