జూనియర్‌ ఎన్టీఆర్, కాజల్‌, పూరి జగన్నాథ్‌ కాంబోలో తెరకెక్కుతున్న చిత్రం ‘టెంపర్’. ఈ చిత్రం ఫస్ట్‌లుక్‌ నెట్‌లో హల్చల్ చేస్తోంది. ఈ సినిమాకు సంబంధించిన ఎన్టీఆర్ పోస్టర్‌ను ప్రముఖ నటుడు ప్రకాష్ రాజ్ భార్య పోని వర్మ ట్విట్టర్లో పోస్ట్ చేసేసింది. అంతేగాకుండా.. ఎడిటింగ్‌ రూమ్‌ నుంచే ఈ ఫోటోలను పెడుతున్నట్లు ట్వీట్ చేసింది.
ఏది ఏమైనా.. చొక్కా లేని ఎన్టీఆర్‌ను చూసి అభిమానులు ఇప్పటికే సినిమాపై ఓ అంచనాకి వచ్చేశారు. తప్పకుండా ఈ సినిమాకు మాస్ ఫాలోయింగ్ లభిస్తుందని ఫ్యాన్స్ భావిస్తున్నారు.
ఇకపోతే.. ఈ సినిమాకి బండ్ల గణేశ్‌ నిర్మాతగా వ్యవహరిస్తుండగా దేవీశ్రీప్రసాద్‌ మ్యూజిక్‌ అందిస్తున్నారు. ఈ చిత్రంలో ప్రకాశ్‌రాజ్‌, కోట శ్రీనివాసరావు, తనికెళ్లభరణి, ఆలీ. పోసాని కృష్ణమురళి తదితరులు నటిస్తున్నారు.