టాలీవుడ్‌లో ఒకప్పుడు క్రేజీ బ్యూటీగా ఒక వెలుగు వెలిగిన తార రంభ. కెనడాలో ఉంటున్న ఈమె త్వరలో ఇండియాకు రానుంది. ఇటీవల హీరోయిన్ రంభ సోదరుడు అతని భార్యని వేధిస్తున్నాడని, అందులో రంభ హస్తం కూడా ఉన్నట్లు కేసు నమోదైన విషయం తెలిసిందే. దీంతో ఇండియాకు రావాడానికి రంభ భయపడింది. ఇక్కడికి వస్తే ఆమెను పోలీసులు అరెస్టు చేస్తారని భయపడుతూ వచ్చింది.
అయితే ఇప్పుడు అన్న, వదినల మధ్య మనస్పర్థలు తొలగి, కేసు కొలిక్కి రావడంతో రంభ రిలాక్స్ అయింది. దీంతో ఈమె ఇండియాకు వచ్చేందుకు మార్గం సుగమమైంది. అయితే తనపై ఎలాంటి కేసులు లేవని రంభ అంటోంది. ప్రస్తుతం కెనెడాలో తన బిడ్డ, భర్తతో ఉంటున్న రంభ, తను త్వరలో ఇండియాకు వస్తున్నానని చెపుతూ ఆనందం వ్యక్తం చేస్తోంది.