పన్నెండేళ్ల కిందట బాల నటిగా హిందీలో దర్శకుడు విశాల్ భరద్వాజ్ రూపొందించిన 'మక్డీ' చిత్రంతో నటి శ్వేతాబసు ప్రసాద్ సినీ తెరకు పరిచయమైంది. పరిస్థితులు మారి దురుదృష్టవశాత్తు ఇటీవల ఆమెను పోలీసులు అరెస్టు చేసిన సంగతి తెలిసిందే. మీడియా ద్వారా ఆ విషయం బాగా సంచలనమైంది.
దీనిపై దర్శకుడు స్పందిస్తూ శ్వేత విషయంపై చాలా బాధపడుతున్నానని, ఆందోళన చెందుతున్నానన్నాడు. శ్వేత చాలా టాలెంట్ ఉన్న నటి అని చెప్పాడు. ఇలాంటి వివాదంలో తనెలా చిక్కుకుందో తనకు తెలియదన్న విశాల్, ఈ విషయంపై మీడియా రిపోర్ట్ చేసిన విధానం తనను మరింత బాధించిదని పేర్కొన్నాడు.
ఇలాంటప్పుడు మీడియా సదరు అంశాన్ని పక్కదారి పట్టే విధంగా చేస్తుందని, శ్వేతాబసు వెనుకున్న వ్యక్తుల గురించి ఎందుకు మాట్లాడలేదని ప్రశ్నించాడు. భవిష్యత్తులో తనతో పని చేస్తానన్న విశాల్, తనకోసం ఓ పాత్ర రాయాలనుకుంటున్నట్లు తెలిపాడు.