జనసేన పార్టీతో ఆంధ్రప్రదేశ్ రాజకీయాల్లో సినీనటుడు పవన్ కల్యాణ్ కీలక పాత్ర పోషించిన సంగతి తెలిసిందే. ఆంధ్రప్రదేశ్‌లో టీడీపీ-బీజేపీ పొత్తులో కీలక పాత్ర పోషించిన పవన్ కల్యాణ్.. మెగాస్టార్ చిరంజీవిని మాత్రం బీట్ చేయలేకపోయారు. రాష్ట్ర విభజన సమయంలో సమైక్యాంధ్ర కోసం గళమెత్తిన చిరంజీవి రాజకీయాల్లో చెడ్డపేరు తీసుకున్నా మీడియా ముందు కనిపించడం చిరంజీవి ప్లస్ అయ్యింది.
మీడియా ముందు చిరంజీవి కనిపించడంతో పాటు ఆడియో వేడుకల్లో ఆయన పాల్గొనడం.. తన 150వ సినిమా గురించి జోరుగా చర్చ జరగడం వంటి అంశాలు గూగుల్ మోస్ట్ సెర్చ్డ్ సెలబ్రిటీస్ 2014 లిస్టులో నాలుగో స్థానాన్ని దక్కించుకునేలా చేసింది. అయితే జనసేన పార్టీ సమయంలో మీడియా ముందు ప్రత్యక్షమైన పవన్ కల్యాణ్ తర్వాత రాష్ట్రమేర్పడ్డాక అంతగా మీడియా ముందు కనిపించలేదు. సినిమా ఆడియో ఫంక్షన్లకు కూడా హాజరు కాలేదు. ఇదే పవన్ కల్యాణ్ రేటింగ్‌ను దెబ్బతీశాయి.
గూగుల్ మోస్ట్ సెర్చ్డ్ సెలబ్రిటీస్ 2014 లిస్టులో టాప్-4లో చిరంజీవి ఉండగా, టాప్-5లో పవన్ కల్యాణ్ పడిపోయాడు. ఇక టాప్-లో మహేష్ బాబు టాప్‌లో ఉండగా, అల్లు అర్జున్, ప్రభాస్ టాప్-3లో కొనసాగుతున్నారు.