మెగా పవర్ స్టార్ రామ్ చరణ్ 'గోవిందుడు అందరి వాడేలే'తో అక్టోబర్ 1న వచ్చిన సంగతి తెలిసిందే. క్రియేటివ్ డైరెక్టర్ కృష్ణవంశీ దర్శకత్వంలో తెరకెక్కిన ఈచిత్రంపై ముందు నుండీ భారీ అంచనాలే నెలకొన్నాయి. ఈ చిత్రం తొలి రోజు మంచి ఓపెనింగ్స్ సాధించిందనేది సినీ ట్రేడ్ టాక్.
'అత్తారింటికి దారేది' ఫస్ట్ డే కలెక్షన్స్ బ్రేక్ చేస్తుందా లేదా అనేది అలా ఉంచితే చిత్ర నిర్మాత బండ్ల గణేష్, గబ్బర్‌ సింగ్‌ విషయంలో తనను మోసం చేశాడని ఓ డిస్ట్రిబ్యూటర్‌ వేసిన కేసు ఇంకా కొలిక్కి రాకముందే.. మరో వివాదంలోకి దిగాడు. తిమ్మినిబమ్మిని చేసే అలవాటున్న ఈయన.. రామ్ చరణ్‌ను కూడా ట్రాక్ తప్పించాడని టాలీవుడ్ గోల.
ఈ విషయాన్ని రామ్ చరణ్ కూడా తర్వాత తెలుసుకున్నాడట. కొంతకాలం క్రితం కొరటాల శివ దర్శకత్వంలో ఓ సినిమా ఆరంభమైంది. సినిమా కథ కూడా వినకుండా హీరో ఓపెనింగ్‌కు రావడం.. జరిగిపోయింది. కథ వినకుండానే నేను రానని చెప్పినా.. చిరంజీవితో ఉన్న సాన్నిహిత్యంతో ఆయన చేసిన ఒత్తిడితో వచ్చాడని తెలిసింది.
ఇంతకీ ఆ సినిమా ప్రారంభం కాలేదు. ఇకపోతే.. ప్రస్తుతం గోవిందుడు సినిమా.. విడుదలకు బిజినెస్‌ అంతా బాగానే అయిందని స్టేట్‌మెంట్‌ ఇచ్చాడు. అయితే రీ-షూట్‌ వల్ల ఆయన దాదాపు 5 కోట్లు ఎక్కువే ఖర్చు చేసినట్లు సమాచారం. అది సినిమాకు ఉపయోగమని చెబుతున్నా... సినిమాకు డిఫిషెట్‌ కింద అదే లెక్కగా లెక్కలు చెబుతున్నాయి. మరి కలెక్షన్లు రాబడి ఎంత వసూలు చేస్తే లాభాలు వస్తాయో మరి.