వ్యభిచారం కేసులో పట్టుబడిన సినీనటి శ్వేత బసును అప్పగించాలని కోర్టుకు ఆమె తల్లితండ్రులు చేసిన విజ్ఞప్తిని ఎర్రమంజిల్ కోర్టు సోమవారం తోసిపుచ్చింది. ఈ కేసులో శ్వేతబసు పెట్టుకున్న పిటిషన్‌పై విచారణ జరిపిన కోర్టు శ్వేతబసును తల్లితండ్రులకు అప్పగించేందుకు ససేమిరా అంది. ఆర్నెళ్లపాటు పునరావాస కేంద్రంలో ఉండాలని కోర్టు ఆదేశించింది.
దాదాపు నెలన్నర రోజులుగా ఈ పునరావస కేంద్రంలో ఉంటున్న శ్వేతబసు ప్రసాద్ కోసం ఆమె తల్లిదండ్రులు కోర్టును ఆశ్రయించిన విషయం తెల్సిందే. తమ కుమార్తె ఇక్కడే ఉంటే సినీ కెరీర్ పాడవుతుందని తల్లి ఆవేదన చెందినప్పటికీ కోర్టు మాత్రం పట్టించుకోకుండా పిటీషన్‌ను తోసిపుచ్చింది. కాగా, ప్రస్తుతం శ్వేతబసు హైదరాబాదులోని ఓ రెస్క్యూ హోంలో కాలం వెళ్లదీస్తున్న విషయం తెల్సిందే.