సినిమా ముహూర్తాలు సెంటిమెంట్లకు పెట్టింది పేరు. ఫలానా టైమ్‌లో ఓపెనింగ్‌ అంటే.. అన్నీ చూసుకుని చేస్తుంటారు. అయితే దిల్‌రాజు నిర్మించే సినిమా ఉదయం ఏడు గంటలకు సంస్థ కార్యాలయంలో బుధవారంనాడు ఏర్పాటు చేస్తున్నట్లు ప్రకటించారు. కానీ 6.30 గంటలకే ముఖ్య అతిథులు రావడంతో వెంటనే దేవుడి పటాలపై ఫస్ట్‌ షాట్‌ చేసేశారు.
శ్యామ్‌ప్రసాద్‌రెడ్డి క్లాప్‌ కొట్టారు. అల్లు అరవింద్‌ హాజరయ్యారు. ప్రముఖులు హాజరయిన ఈ చిత్రంలో సునీల్‌ హీరోగా నటిస్తుండగా రవివర్మ దర్శకుడు. ప్రారంభం అయ్యాక ఫొటోగ్రాఫర్లు వచ్చి,, అవాక్కయ్యారు. గెస్ట్‌లకు వేరే పని వుండటంతో ముందుగా వచ్చారని దిల్‌రాజు వ్యాఖ్యానించాడు. సంస్థకు చెందిన ఫోటోగ్రాఫ్ ఫొటోలు తాము పంపిస్తామని చెప్పాడు. ఇకపోతే.. షూటింగ్‌ త్వరలో రెగ్యులర్‌గా జరుగుతుందని దిల్ రాజు చెబుతున్నాడు.