టాలీవుడ్ హీరో, జనసేన పార్టీ అధినేత పవన్ కళ్యాణ్‌పై భక్తి గీతం ఒకటి రూపుదిద్దుకుంది. దీన్ని ఆయన భక్తులే రచించారు. విక్టరీ వెంకటేష్‌తో కలిసి పవన్ కలిసి నటించిన మల్టీస్టారర్ చిత్రం 'గోపాల గోపాల' సినిమాలో ఈ హీరో దేవుడిగా చూసిన ఆయన అభిమానులు స్ఫూర్తి పొంది, ఆయనపై ఓ భక్తి గీతాన్ని రూపొందించారు.
ఈ భక్తి గీతాన్ని పవన్ కల్యాణ్ నటించిన సినిమాల్లోని పాటలతో భజనలా రూపొందించడం విశేషం. భజనకు వచ్చినట్టే పవన్‌ను పూజించడానికి రావడం, అందరికీ బొట్లుపెట్టడం, భజన అయ్యాక ప్రసాదాలు పంచడం అందర్నీ ఆకట్టుకుంటోంది. ఇప్పుడు ఈ పాట యూట్యూబ్‌లో హల్ చల్ చేస్తోంది.