వ్యభిచారం కేసులో నెల పదిహేను రోజుల క్రిందట అరెస్టు కాబడిన నటి శ్వేతాబసు ప్రసాద్ ను విడుదల చేసేందుకు దాఖలైన పిటీషన్ ను హైదరాబాదులోని ఎర్రమంజిల్ కోర్టు తిరస్కరించింది. పిటీషన్ పై వాదనలు విన్న అనంతరం న్యాయమూర్తి, శ్వేతాబసు ఆరు నెలల పాటు రెస్క్యూ హోంలో ఉండాల్సిందేనని స్పష్టం చేశారు.
కాగా తమ కుమార్తెను రిలీజ్ చేయాలంటూ శ్వేతా తల్లి పిటీషన్ దాఖలు చేసిన సంగతి తెలిసిందే. ఈ పిటీషన్ ను కోర్టు కొట్టివేసింది. అయితే, అక్కడే ఉంటే తన కూతురు సినీ కెరీర్ పాడవుతుందని ఆమె కోర్టుకు విన్నవించుకున్నది. ఐనప్పటికీ కోర్టు ఆమె అభ్యర్థనను తోసిపుచ్చింది.