ప్రముఖ నిర్మాత సి. కల్యాణ్ అందాల ఛార్మీకి ఓ డైమండ్ రింగ్ ప్రెజంట్ చేశారు. సినిమా వాళ్లకు కానుకలు రావడం మామూలే.. అందులోనూ హీరోయిన్లు బోలెడు గిఫ్టులు వస్తుంటాయి. హీరోలు, ప్రొడ్యూసర్లు, డైరక్టర్లు తమ సన్నిహిత కథానాయికలకు విలువైన కానుకలు ఇస్తుంటారు. ఈ క్రమంలో అందాల చార్మి కూడా తన బర్త్ డే సందర్భంగా ఇలాంటి ఓ విలువైన గిఫ్ట్ అందుకుంది.
ఆదివారం ఛార్మీ 28వ జన్మదినం సందర్భంగా ప్రముఖ నిర్మాత సి.కల్యాణ్ ఆమెకు ఓ డైమండ్ రింగ్ ప్రెజంట్ చేశారు. ఈ విషయాన్ని చార్మి వెల్లడిస్తూ, "నా బర్త్ డేకి లయన్ షేప్‌తో కూడిన అందమైన డైమండ్ రింగును కానుకగా ఇచ్చిన సి.కల్యాణ్ గారికి థ్యాంక్స్" అంటూ ఈ చిన్నది ట్వీట్ చేసింది. ఆ ఉంగరాన్ని వేలికి ధరించి తీసుకున్న ఫొటోను కూడా ట్విట్టర్‌లో పోస్ట్ చేసింది.